Հայաստանի Հանրապետության Շիրակի մարզի Ախուրյանի «Կամոյի մանկապարտեզ» համայնքային ոչ առևտրային կազմակերպությունը հայտարարում է մրցույթ հետևյալ թափուր պաշտոնների համար.

1․ Մեթոդիստ /ուս.գծով տնօրենի տեղակալ/-0․25 դրույք /30000 ՀՀ դրամ աշխատավարձ/,

2․ Երաժշտության ղեկավար-0․25 դրույք /30000 ՀՀ դրամ աշխատավարձ/,

3. Ֆիզկուլտուրայի հրահանգիչ-0․25 դրույք /30000 ՀՀ դրամ աշխատավարձ/։

    Նախադպրոցական ուսումնական հաստատության մեթոդիստի, տնօրենի ուսումնական գծով տեղակալի պաշտոն զբաղեցնողը պետք է ունենա` բարձրագույն (բակալավր, դիպլոմավորված մասնագետ, մագիստրոս) կրթություն և վերջին յոթ տարվա ընթացքում նախադպրոցական կրթության ոլորտի կամ մանկավարժական աշխատանքի առնվազն երկու տարվա մանկավարժական գործունեության ստաժ:

Երաժշտության ղեկավարի պաշտոն զբաղեցնողը պետք է  ունենա միջին մասնագիտական կամ բարձրագույն /բակալավր, դիպլոմավորված մասնագետ, մագիստրոս/ մասնագիտական կրթություն՝   համապատասխան որակավորմամբ:

Ֆիզկուլտուրայի հրահանգչի պաշտոնը զբաղեցնողը պետք է ունենա միջին մասնագիտական կամ բարձրագույն (բակալավր, դիպլոմավորված մասնագետ, մագիստրոս) մասնագիտական կրթություն` համապատասխան որակավորմամբ կամ վերջին տասը տարվա ընթացքում մանկավարժական գործունեության առնվազն երկու տարվա մանկավարժական գործունեության ստաժ:

Մրցույթի համար անհրաժեշտ են ներկայացնել հետևյալ փաստատթղթերը

1)  դիմում (Ձև 1).

2)  կրթության մասին փաստաթուղթ (դիպլոմ).

3)  անձը հաստատող փաստաթուղթ.

4)աշխատանքային   ստաժի    վերաբերյալ    տեղեկանք    կամ     աշխատանքային   գրքույկ (առկայությանդեպքում).

5)  ինքնակենսագրություն (Ձև 4).

6)  մեկ լուսանկար` 3x4 չափի.

7)  այլ պետությունների քաղաքացիները` Հայաստանի Հանրապետությունում աշխատելու իրավունքը հավաստող փաստաթուղթ.

8)  Հայաստանի Հանրապետության արական սեռի քաղաքացիները ներկայացնում են նաև զինվորական գրքույկ կամ զինվորական կցագրման վկայական.

9)    հրատարակված հոդվածների ցանկ կամ գիտական կոչումը հավաստող փաստաթղթեր (դրանց առկայության դեպքում):

Մրցույթը անց է կացվելու 2023թ. հոկտեմբերի 3-ին ժամը 11:00-ին՝ ՀՀ Շիրակի մարզ, Ախուրյան  համայնք, գ․Կամո, 1 փողոց շենք 14 հասցեում:

Փաստաթղթերը պետք է ներկայացնել անձամբ՝ անձը հաստատող փաստաթղթով:

Փաստաթղթերը ընդունվում են ամենօր ժամը 09:00-ից մինչև 16։30-ը, բացի շաբաթ, կիրակի և օրենքով սահմանված ոչ աշխատանքային օրերից:

Փաստաթղթերի ընդունման վերջնաժամկետը մինչև 2023թ․-ի սեպտեմբերի 27-ին ժամը 16:30-ը:

Մրցույթին մասնակցել ցանկացող քաղաքացիները կարող են հայտարարությանը հետևել www.azdarar.am, akhuryan.am կայքերում:

Մրցույթը անց է կացվելու 2 փուլով՝ գրավոր և բանավոր:

Հարցաշարին   ծանոթանալու    համար    կարող    եք     անցնել    հետևյալ հղումով՝ https://escs.am/am/news/11978։