Հայաստանի Հանրապետության Շիրակի մարզի Ախուրյանի համայնքապետարանը հայտարարում է Ախուրյան համայնքի թվով 3՝ «Ախուրյանի մարզամշակութային կենտրոն», «Մարմաշենի արվեստի դպրոց» և «Մայիսյանի մանկապարտեզ» համայնքային ոչ առևտրային կազմակերպությունների տնօրենների թափուր պաշտոններն զբաղեցնելու համար մրցույթներ։

Մրցույթները կկայանան 2024 թվականի մայիսի 3-ին, ժամը՝ 11:00-ին, Ախուրյանի համայնքապետարանի շենքում (հասցեն՝ ՀՀ Շիրակի մարզ, Ախուրյան համայնք, գյուղ Ախուրյան, Գյումրու խճուղի 42, 3-րդ հարկ, նիստերի դահլիճ):

Քաղաքացիները մրցույթին մասնակցելու համար փաստաթղթերը ներկայացնում են անձամբ`  անձնագրով կամ անձը հաստատող այլ  փաստաթղթով:
Քաղաքացիների ներկայացրած փաստաթղթերի պատճենները ետ չեն վերադարձվում:

Փաստաթղթերն ընդունվում են ամեն օր ժամը 10:00-ից մինչև 13:00-ն և 14:00-ից մինչև 17:00-ն, բացի շաբաթ, կիրակի և ոչ աշխատանքային օրերից: Դիմումների ընդունման վերջին ժամկետն է՝ 2024թ. ապրիլի 18-ը ներառյալ՝ մինչև ժամը 17:00-ն:

Մրցույթների մանրամասներին կարող եք ծանոթանալ կից հավելվածներում։