27.03.24
ԱՇԽԱՏԱՆՔԱՅԻՆ ԽՈՐՀՐԴԱԿՑՈՒԹՅՈՒՆ ՇԻՐԱԿԻ ՄԱՐԶՊԵՏԻ ՂԵԿԱՎԱՐՈՒԹՅԱՄԲ
|
Ախուրյան համայնքի ղեկավար Զավեն Մանուկյանը մասնակցել է Շիրակի մարզպետ Մուշեղ Մուրադյանի գլխավորած հերթական աշխատանքային խորհրդակցությանը, որին մասնակցել են աշխատակազմի պատասխանատուները և մարզի համայնքների ղեկավարները:Խորհրդակցության օրակարգային առաջին հարցն առնչվել է համայնքների բյուջեների սեփական եկամուտների հավաքագրմանն ու բյուջետային գործընթացների կատարմանը։«Նախորդ տարի սեփական եկամուտների հավաքագրման աշխատանքները գոհացուցիչ էին, կարողացանք նոր նշաձող սահմանել, 2024-ին պետք է անենք առավելագույնը` ունեցած ցուցանիշները պահպանելու և ավելին իրականացնելու համար»,- նշել է Շիրակի մարզպետը՝ հորդորելով համայնքների ղեկավարներին լինել առավել զգոն ու հետևողական։Խորհրդակցության ժամանակ քննարկվել ...
Մանրամասն |
|
26.03.24
ԱԽՈՒՐՅԱՆ ՀԱՄԱՅՆՔԸ ՆՈՐ ԱՂԲԱՏԱՐ ՄԵՔԵՆԱ ՈՒՆԻ
|
Տարածքային զարգացման հիմնադրամի և Ախուրյանի համայնքապետարանի միջոցներով «Սոցիալական ներդրումների և տեղական զարգացման լրացուցիչ ֆինանսավորման» ծրագրի շրջանակում Ախուրյան համայնքը ձեռք է բերել թրթուրավոր էքսկավատոր և աղբատար մեքենա: Թրթուրավոր էքսկավատորը տարեսկզբին էր հասել համայնք: Աղբատար մեքենան նույնպես արդեն համայնքում է, գործարկվում է Ախուրյան համայնքի կոմունալ սպասարկում և բարեկարգում իրականացնող կազմակերպության կողմից: Ծրագրի ընդհանուր արժեքը շուրջ 118 միլիոն դրամ է, որի 6 միլիոնը համայնքի ներդրումն է: Աղբատար մեքենայի արժեքը շուրջ 45 միլիոն դրամ է:
|
|
25.03.24
ԱՇԽԱՏԱՆՔԱՅԻՆ ԽՈՐՀՐԴԱԿՑՈՒԹՅՈՒՆ ՀԱՄԱՅՆՔԱՊԵՏԱՐԱՆԻ ԱՇԽԱՏԱԿԱԶՄԻ ՄԱՍՆԱԿՑՈՒԹՅԱՄԲ
|
Ախուրյան համայնքի ղեկավար Զավեն Մանուկյանն աշխատանքային խորհրդակցություն է անցկացրել համայնքապետարանի աշխատակազմի մասնակցությամբ: Քննարկվել են աշխատանքների արդյունավետ կազմակեպման, կարգապահական մի շարք հարցեր: Համայնքի ղեկավարը ևս մեկ անգամ հորդորել է աշխատակիցներին աշխատավայրում որպես ուղենիշ ունենալ բնակչին ծառայելու և նրա խնդիրն առաջնային դասելու գործելաոճը:
|
|
22.03.24
ՏԵՂԻ Է ՈՒՆԵՑԵԼ ՔԱՂԱՔԱՑԻՆԵՐԻ ԸՆԴՈՒՆԵԼՈՒԹՅՈՒՆ
|
Ախուրյան համայնքի ղեկավար Զավեն Մանուկյանը համայնքի ղեկավարի առաջին տեղակալ Կարեն Ներսիսյանի, աշխատակազմի ոլորտային պատասխանատուների հետ, հաստատված կարգի համաձայն, կատարել է քաղաքացիների ընդունելություն։ Քաղաքացիները դիմել են տարատեսակ հարցերով, խնդիրներով, խորհրդատվության ակնկալիքով, հողային հարաբերությունների կարգավորման, ինչպես նաև սոցիալական աջակցություն ստանալու խնդրանքով: Համայնքի ղեկավարի գլխավորած աշխատանքային խումբը քննարկել է ընդունելության եկած բնակիչների բարձրացրած հարցերը, դրանցից որոշները տեղում լուծում են ստացել, տրվել է մասնագիտական խորհրդատվություն: Քաղաքացիների հաջորդ ընդունելությունը տեղի կունենա սույն թվականի ապրիլի 12-ին:
|
|
22.03.24
ԱՇԽԱՏԱՆՔԱՅԻՆ ԽՈՐՀՐԴԱԿՑՈՒԹՅՈՒՆ ՄԱՆԿԱՊԱՐՏԵԶՆԵՐԻ ՏՆՕՐԵՆՆԵՐԻ ՄԱՍՆԱԿՑՈՒԹՅԱՄԲ
|
Ախուրյան համայնքի ղեկավար Զավեն Մանուկյանն աշխատանքային խորհրդակցություն է անցկացրել, որին մասնակցել են համայնքի ղեկավարի տեղակալ Կարեն Սերգոյանը, համայնքի բոլոր մանկապարտեզների տնօրենները և համայնքապետարանի ոլորտային պատասխանատուները: Քննարկվել են մանկապարտեզներում կրթության կազմակերպման, սուբվենցիոն և համայնքային միջոցներով իրականացվող բարեկարգման աշխատանքների, ինչպես նաև կարգապահական նորմերին վերաբերող մի շարք հարցեր:
|
|
21.03.24
ՖԻՆԱՆՍԱԿԱՆ ՀԱՏԿԱՑՈՒՄԵՐ ԱԽՈՒՐՅԱՆՈՒՄ ԻՐԱԿԱՆԱՑՎՈՂ ՍՈՒԲՎԵՆՑԻՈՆ ԾՐԱԳՐԵՐԻՆ
|
Կառավարության՝ 2024 թվականի մարտի 21-ի որոշմամբ Շիրակի մարզպետի աշխատակազմին տրամադրված 342 մլն 275 հազար դրամ է հատկացվել տնտեսական և սոցիալական ենթակառուցվածքների զարգացմանն ուղղված սուբվենցիոն 6 ծրագրերի համաֆինանսավորման համար, որից 3-ը Ախուրյան համայնքում է.40 մլն 476 հազար դրամ կուղղվի Ախուրյան համայնքի 4 բնակավայրերի ներբնակավայրային ճանապարհների ասֆալտապատման /Բենիամին/ աշխատանքների համաֆինանսավորմանը։37 մլն 34 հազար դրամ նախատեսվել է Ախուրյան համայնքի Մեծ Սարիար, Ջաջուռավան, Կրաշեն բնակավայրեր տանող ավտոճանապարհների հիմնանորոգման և ասֆալտապատման աշխատանքների- /2փուլով,Կրաշեն/ իրականացմանը։ 26 մլն 554 հազար դրամ կուղղվի Ախուրյան համայնքի թվով 10 բնակավայրերի մանկապարտեզների տարածքների ...
Մանրամասն |
|
19.03.24
ՏԵՂԻ Է ՈՒՆԵՑԵԼ ԱՎԱԳԱՆՈՒ ՀԵՐԹԱԿԱՆ՝ ՀԻՆԳԵՐՈՐԴ ՆԻՍՏԸ
|
Ախուրյան համայնքի ղեկավար Զավեն Մանուկյանի գլխավորությամբ այսօր, համայնքապետարանի նիստերի դահլիճում տեղի է ունեցել ավագանու հինգերորդ նստաշրջանի հերթական՝ երրորդ նիստը: Նախքան նիստի մեկնարկը համայնքի ղեկավարը ևս մեկ անգամ շնորհավորել է բոլոր կանանց՝ տոնական մեկամսյակի կապակցությամբ, մասնավորեցրել ավագանու կին անդամներին, կարևորել նրանց դերը համայնքի կայուն առաջընթացի ու զարգացման գործում: Առաջարկված 35 նախագծերից ավագանու հաստատմանը ներկայացվեց 30 նախագիծ, որոնք արժանացան ավագանու հավանությանը: Ավագանու հինգերորդ նստաշրջանի հերթական՝ չորրորդ նիստը տեղի կունենա սույն թվականի ապրիլի 12-ին:
|
|
18.03.24
ԱԽՈՒՐՅԱՆ ՀԱՄԱՅՆՔԸ ՆՈՐ ՄԻՆԻ ԱՄԲԱՐՁԻՉ ՈՒՆԻ
|
Ախուրյան համայնքի ղեկավար Զավեն Մանուկյանը համայնքի ղեկավարի տեղակալ Կարեն Ներսիսյանի և համայնքապետարանի աշխատակազմի պատասխանատուների հետ շրջայց է կատարել համայնքի կոմունալ սպասարկումն իրականացնող կազմակերպություն: ՀՈԱԿ-ը համալրվել է նոր մինի ամբարձիչ տրակտորով: Տեխնիկան ձեռք է բերվել սուբվենցիոն ծրագրով, 40 տոկոս համայնքի, 60 տոկոս Կառավարության ֆինանսական ներդրմամբ: Ծրագրի արժեքը 17 միլիոն 880 հազար դրամ է: Համայնքի ղեկավարը ծանոթացել է նաև կազմակերպութան տարածքում կառուցվող ավտոլվացման կետին, որի շնորհիվ սպասարկող տեխնիկան կպահպանվի պատշաճ և մաքուր:
|
|
15.03.24
ՄԵԿՆԱՐԿԵԼ Է CapSLoc ԾՐԱԳՐԻ ՆՈՐ ՄՈՒԴՈՒԼԸ
|
Ախուրյան համայնքի ղեկավար Զավեն Մանուկյանը մասնակցել է CapSLoc ծրագրի տեղական աշխատողների (առաջնորդների) ակադեմիայի երկրորդ մոդուլի մեկնարկի հանդիպմանը: Զավեն Մանուկյանը ողջունել է ներկաներին, կարևորել յուրաքանչյուրի գործնական մուտքը Ախուրյան: «Մենք բարձր ենք գնահատում ձեր կատարած աշխատանքն ու ներդրումը Ախուրյան համայնքի բնակավայրերում, որոնց շնորհիվ գյուղերում կյանքն ավելի ակտիվ կդառնա, քաղաքացին էլ ավելի կգիտակցի համայնքում թե՛ իր իրավունքների, թե՛ պարտականությունների կարևորությունը:Վստահեցնում եմ, որ համայնքը պատրաստ է հնարավորությունների և ռեսուրսների շրջանակներում աջակցել ձեր նախաձեռնություններին»,-ասել է համայնքի ղեկավարը: «CapSLoc․ Կարողունակ և կայուն համայնքահեն ...
Մանրամասն |
|
14.03.24
ՇՐՋԱՅՑ ՄԱՆԿԱՊԱՐՏԵԶՆԵՐՈՒՄ
|
Ախուրյան համայնքի ղեկավար Զավեն Մանուկյանը շրջայց է կատարել Ախուրյանի Շուշան և Լեոյի անվան մանկապարտեզներում: Համայնքի ղեկավարը հետևել է կառույցների թե՛ կրթական գործընթացին, թե՛ տեխնիկական ու շենքային պայմաններին: Զավեն Մանուկյանը լսել է մանկապարտեզների տնօրենների բարձրաձայնած խնդիրները, ապա հանձնարարական տվել համայնքապետարանի աշխատակազմի պատասխանատուներին հետևողականորեն լուծումներ տալ բոլոր այն հարցերին, որոնք գտնվում են համայնքի տիրույթում:
|
|
1 2 3 4 5 6 7 8 9 10 ... |