Ղեկավարվելով «Տեղական ինքնակառավարման մասին» Հայաստանի Հանրապետության օրենքի 18-րդ հոդվածի 1-ին մասի 28-րդ կետի  և Հայաստանի Հանրապետության կրթության, գիտության, մշակույթի և սպորտի նախարարի 2022 թվականի փետրվարի 21-ի թիվ 09-Ն հրամանով հաստատված հավելվածի դրույթներով, ինչպես նաև հաշվի առնելով Ախուրյան համայնքի «Ազատանի Արփի մանկապարտեզ», «Հեքիաթ մանկապարտեզ», «Լեոյի անվան մանկապարտեզ», «Բասենի մանկապարտեզ» համայնքային ոչ առևտրային կազմակերպությունների տնօրենների գրությունները՝ լրացուցիչ հաստիքային միավորներ տրամադրելու վերաբերյալ, Հայաստանի Հանրապետության Շիրակի մարզի Ախուրյան համայնքի ավագանին 

որոշում է՝

1. Հաստատել Հայաստանի Հանրապետության Շիրակի մարզի Ախուրյան համայնքի համայնքային ոչ առևտրային կազմակերպությունների աշխատակիցների 2023 թվականի թվաքանակը, հաստիքացուցակը և պաշտոնային դրույքաչափերը՝ համաձայն  թիվ 1-23 հավելվածների:
2. Հայաստանի Հանրապետության կրթության, գիտության, մշակույթի և սպորտի նախարարի 2022 թվականի փետրվարի 21-ի թիվ 09-Ն հրամանով հաստատված Հայաստանի Հանրապետության պետական և համայնքային նախադպրոցական ուսումնական հաստատությունների օրինակելի հաստիքացուցակում նշված պարտադիր նվազագույն հաստիքային միավորներից բացի Հայաստանի Հանրապետության Շիրակի մարզի Ախուրյան համայնքի <<Ազատանի Արփի մանկապարտեզ>> համայնքային ոչ առևտրային կազմակերպությանը լրացուցիչ տրամադրել 1 դրույք խոհարարի օգնականի և 1,5 դրույք հավաքարարի, <<Հեքիաթ մանկապարտեզ>> և <<Լեոյի անվան մանկապարտեզ>> համայնքային ոչ ատևտրային կազմակերպություններին՝ 0,5-ական դրույք, իսկ <<Բասենի մանկապարտեզ>> համայնքային ոչ առևտրային կազմակերպությանը՝ 0,25-ական դրույք հաշվապահի և հավաքարարի լրացուցիչ հաստիքային միավորներ:
3. Սույն որոշումն ուժի մեջ է մտնում 2023 թվականի հունվարի 1-ից: