Ղեկավարվելով «Տեղական ինքնակառավարման մասին» օրենքի 18-րդ հոդվածի 1-ին մասի 21-րդ կետի, Հայաստանի Հանրապետության քաղաքացիական օրենսգրքի 605-րդ հոդվածի 1-ին և 3-րդ մասերի դրույթներով, ի կատարումն Հայաստանի Հանրապետության Շիրակի մարզի Ախուրյան համայնքի ավագանու 2023 թվականի դեկտեմբերի 21-ի թիվ 230-Ա որոշման պահանջների և հիմք ընդունելով նշված շենքում 1990 թվականից բնակվող, Հայաստանի Հանրապետության Շիրակի մարզի Ախուրյան համայնքի Ազատան բնակավայրի բնակիչների համատեղ դիմումը, Հայաստանի Հանրապետության Շիրակի մարզի Ախուրյան համայնքի ավագանին՝ որոշում է. 1.Հայաստանի Հանրապետության Շիրակի մարզի Ախուրյան համայնքի սեփականություն հանդիսացող, Ազատան բնակավայրի 47-րդ փողոց, 2 հասցեի բազմաբնակարան շենքի թվով 17 բնակարանները, բազմաբնակարան շենքի ընդհանուր օգտագործման տարածքների և շենքով զբաղեցված հողամասի նկատմամբ բաժնային սեփականության իրավունքով, գույքի օգտագործումն օրինականացնելու և համայնքի բնակիչների բնակարանային խնդիրները լուծելու նպատակով, նվիրաբերել այդ շենքում 1990 թվականից բնակություն հաստատած ընտանիքների անդամներին՝ համաձայն հավելվածի:
2.Հայաստանի Հանրապետության Շիրակի մարզի Ախուրյան համայնքի ղեկավարին՝ նվիրառուների հետ կնքել գույքերի նվիրատվության պայմանագիր, ապահովել դրա նոտարական վավերացումը և անշարժ գույքերի նկատմամբ քաղաքացիների իրավունքների պետական գրանցումը՝ վերջիններիս միջոցներով։
3.Համայնքի սեփականության գույքագրման փաստաթղթերում կատարել համապատասխան փոփոխություն: |