Ղեկավարվելով «Տեղական ինքնակառավարման մասին» օրենքի 18-րդ հոդվածի   1-ին մասի 42-րդ կետի, հողային օրենսգրքի 60-րդ հոդվածի 1-ին մասի 10-րդ ենթակետի դրույթներով և հաշվի առնելով Հայաստանի Հանրապետության Շիրակի մարզի Ախուրյան համայնքի ղեկավարի առաջարկությունը` Հայաստանի Հանրապետության Շիրակի մարզի Ախուրյան համայնքի ավագանին որոշում է.

   1. «Հյուսիս-հարավ ճանապարհային միջանցք» ծրագրի շրջանակներում կատարված ծառատունկի արդյունքում առնձնացված, Հայաստանի Հանրապետության Շիրակի մարզի Ախուրյան համայնքի Ազատան բնակավայրի տարածքում գտնվող 08-004-0744-0001 կադաստրային ծածկագրով գյուղատնտեսական նպատակային նշանակության ջրովի վարելահող հողատեսքի համայնքային սեփականության հողամասից 1,0 հեկտար մակերեսով հողամասն ընդգրկել քաղաքացիներին և իրավաբանական անձանց սեփականության իրավունքով չփոխանցվող հողերի կազմում:

   2. Համայնքի ղեկավարին առաջարկել` սահմանված կարգով նախաձեռնել Ազատան բնակավայրի գոտիավորման նախագծում, սույն որոշման 1-ին կետում նշված հողամասը բնակավայրերի նպատակային նշանակության, ընդհանուր օգտագործման հողերի` զբոսայգի գործառնական նշանակության փոխադրելու գործընթաց: