Հայաստանի Հանրապետության Շիրակի մարզի Ախուրյան համայնքի Ախուրյան բնակավայրի թվով 13 բնակիչներին 2008-2014 թվականներին օրենքով սահմանված կարգով, կառուցապատման իրավունքով օգտագործման է տրամադրվել համայնքային սեփականություն հանդիսացող հողամասեր։ Հողամասերի վարձակալական պայմանագրերում նշված է, որ «Կառուցապատման իրավունք ունեցող անձի կողմից սույն պայմանագրով սահմանված ժամկետներում վճարումներ չկատարվելու դեպքում /վճար նախատեսված լինելու դեպքում/ կետանցի յուրաքանչյուր օրվա համար վճարում է տույժ տարեկան վճարի գումարի 10 /տասը/ տոկոսի չափով»։
Պայմանագրերում այդպիսի պայմանը խիստ դժգոհություն է առաջացրել պայմանագրերի կողմ հանդիսացող բնակիչների շրջանում, որոնք դիմել են համայնքապետարանի աշխատակազմ՝ վերանայելու նշված պայմանը։
Ղեկավարվելով «Տեղական ինքնակառավարման մասին» օրենքի 35-րդ հոդվածի 1-ին մասի 24-րդ կետի դրույթներով, որոշում եմ՝
1․ Հայաստանի Հանրապետության Շիրակի մարզի Ախուրյան համայնքի Ախուրյան բնակավայրի թվով 13 բնակիչների կառուցապատման իրավունքով օգտագործման տրամադրված համայնքային սեփականություն հանդիսացող հողամասերի վարձակալական պայմանագրերում կողմերի համաձայնությամբ կատարել նախատեսված տույժի գումարի չափի փոփոխություն՝ կետանցի յուրաքանչյուր օրվա համար տույժի տարեկան վճարի գումարի 10 /տասը/ տոկոսի չափը փոխարինել 0,05 /զրո ամբողջ հինգ հարյուրերորդական/ տոկոսի չափով, համաձայն N 1 հավելվածի։
2․ Հայաստանի Հանրապետության Շիրակի մարզի Ախուրյան համայնքի Ախուրյան բնակավայրի թվով 13 բնակիչների պայմանագրերի փոփոխումը կատարել կողմերի գրավոր՝ նոտարական կարգով վավերացված համաձայնությամբ, որոնցից ծագող իրավունքները ենթակա են գրանցման անշարժ գույքի գրանցման պետական մարմնում։
3․ Սույն որոշումն ուժի մեջ է մտնում Հայաստանի Հանրապետության Շիրակի մարզի Ախուրյան համայնքի Ախուրյան բնակավայրի թվով 13 վարձակալներին պատշաճ ծանուցելու օրվան հաջորդող օրվանից։