Քաղաքացի Գրիշա Արամի Հակոբյանը (ծնված 03/07/1952 թվական) դիմել է Հայաստանի Հանրապետության Շիրակի մարզի Ախուրյան համայնքի ղեկավարին` համասեփականության իրավունքով իր ընտանիքի անդամներին պատկանող, Հայաստանի Հանրապետության  Շիրակի մարզի Ախուրյան համայնքի, Ջաջուռ բնակավայրի, 3-րդ փողոց, 36 հասցեի 0,12 հեկտար մակերեսով,  08-094-0029-0022 կադաստրային ծածկագրով բնակավայրերի նպատակային նշանակության, բնակելի կառուցապատման գործառնական նշանակության հողամասի վրա առկա, ինքնակամ կառուցված շինություններն օրինական ճանաչելու խնդրանքով:

Համասեփականության իրավունքով  Գրիշա Արամի Հակոբյանին, Նեկտար Վաղինակի  և  Աշոտ Գրիշայի Աղաբեկյաններին պատկանող, Հայաստանի Հանրապետության Շիրակի մարզի,  Ախուրյան համայնքի,  Ջաջուռ բնակավայրի, 3-րդ փողոց, 36 հասցեի հողամասի վրա գտնվող, ինքնակամ կառուցված 159,04 քառակուսի մետր ընդհանուր ներքին մակերեսով բնակելի տունը, աստիճանավանդակը, բաց պատշգամբը, անասնաշենքը, շվաքարանը և պարիսպը  կառուցվել են 1990 թվականից 1993 թվականը՝ ( մինչև 2001 թվականի մայիսի 15-ը): Նույն հողամասի վրա ինքնակամ կառուցված 36,63 քառակուսի մետր ընդհանուր արտաքին մակերեսով նկուղը և մառանը կառուցվել են 2017 թվականին (2001 թվականի մայիսի 15-ից հետո)։ Ինքնակամ կառույցները կառուցված չեն քաղաքաշինական նորմերի և կանոնների էական խախտումներով, դրանց պահպանումը չի խախտում այլ անձանց իրավունքները և oրենքով պահպանվող շահերը, վտանգ չեն uպառնում քաղաքացիների կյանքին ու առողջությանը և չեն առաջացնում հարկադիր uերվիտուտ պահանջելու իրավունք: Ինքնակամ կառույցները հաշվառված են Հայաստանի Հանրապետության անշարժ գույքի կադաստրի կոմիտեում թիվ 20247BBAYC ծածկագրով:

Ղեկավարվելով քաղաքացիական օրենսգրքի 188-րդ հոդվածի 6-րդ մասի, «Տեղական ինքնակառավարման մասին» օրենքի 35-րդ հոդվածի 1-ին մասի 24-րդ կետի, Հայաստանի Հանրապետության կառավարության 2022 թվականի հունվարի   5-ի թիվ 14-Ն որոշման 2-րդ կետի, «Ինքնակամ կառույցների օրինականացման և տնօրինման կարգը հաստատելու մասին» Հայաստանի Հանրապետության կառավարության 2006 թվականի թիվ 912-Ն որոշման 1-ին և 4-րդ կետերի դրույթներով, համաձայն նույն որոշման կարգի 8-րդ, 9-րդ, 10-րդ, 11-րդ կետերի, 13-րդ կետի,   ա  ենթակետի  և  22.1 կետի պահանջների, ինչպես նաև հաշվի առնելով «Անշարժ գույքի հարկով հարկման նպատակով անշարժ գույքի շուկայական արժեքին մոտարկված կադաստրային գնահատման կարգը սահմանելու մասին» օրենքի 4-րդ հոդվածով սահմանված շինության տարածագնահատման (գտնվելու վայրի) գոտիականության գործակիցների (Գգ) սահմանված չափը՝ որը Ջաջուռ բնակավայրի (Շիրակի մարզ, 16-րդ գոտի) համար 0,0874  է  և  հիմք ընդունելով  Գրիշա Արամի Հակոբյանի դիմումը՝ որոշում եմ.

1.Հայաստանի Հանրապետության Շիրակի մարզի,  Ախուրյան համայնքի,  Ջաջուռ բնակավայրի, 3-րդ փողոց, 36 հասցեի հողամասի վրա գտնվող, ինքնակամ կառուցված 159,04 քառակուսի մետր ընդհանուր ներքին մակերեսով բնակելի տունը, աստիճանավանդակը, բաց պատշգամբը, անասնաշենքը, շվաքարանը և պարիսպը   ճանաչել օրինական առանց վճարների գանձման:

2.Նույն հողամասի վրա ինքնակամ կառուցված 36,63 քառակուսի մետր ընդհանուր արտաքին մակերեսով նկուղը և մառանը  ճանաչել օրինական՝ սահմանված վճարների դիմաց:

3.Սույն որոշման 2-րդ կետով օրինական ճանաչված բնակելի շինությունների, յուրաքանչյուր մեկ քառակուսի մետրի օրինականացման համար սահմանել 10000 դրամ և կիրառել 0,0874 գործակիցը:

4.Շինությունների օրինականացման համար հաշվարկված ընդհանուր վճարը կազմում է 32015 (երեսուներկու հազար տասնհինգ) դրամ։

5.Սույն որոշման ուժի մեջ մտնելու օրվանից հաշված, 60 օրյա ժամկետում, օրինականացման համար, սույն որոշման 4-րդ կետով սահմանված գումարը չվճարելու դեպքում` որոշումն համարվում է ուժը կորցրած:

6.Նույն հողամասի վրա գտնվող 2018 թվականին  կառուցված  15,75 քառակուսի մետր ներքին մակերեսով ավտոտնակը  թողնել  ինքնակամ,  որի համար Հայաստանի Հանրապետության օրենսդրությամբ նախատեսված  պարտավորությունները  և  ռիսկերը կրում  են  հողամասի  համասեփականատերերը:

7.Սույն որոշումն ուժի մեջ է մտնում անշարժ գույքի համասեփականատերերին պատշաճ իրազեկելու օրվան հաջորդող օրվանից:

8.Գույքային իրավունքների պետական գրանցումն իրականացնել Հայաստանի Հանրապետության օրենսդրությամբ սահմանված կարգով: