Ղեկավարվելով «Տեղական ինքնակառավարման մասին» Հայաստանի Հանրապետության օրենքի 13-րդ հոդվածի 10-րդ մասի, Հայաստանի Հանրապետության Հողային օրենսգրքի 8-րդ հոդվածի 1-ին մասի, Հայաստանի Հանրապետության կառավարության 2021 թվականի  հունվարի 17-ի N 987-Ն որոշմամբ հաստատված «Գյուղատնտեսական նշանակության հողերը ոչ գյուղատնտեսական նշանակության հողերի փոխադրման դեպքերի» 11-րդ կետի դրույթներով, հիմք ընդունելով Հայաստանի Հանրապետության և Վերականգնման վարկերի բանկի (KfW) միջև 2014 թվականի դեկտեմբերի 19-ին ստորագրված «BMZ 2014 67 950» վարկային համաձայնագրի պահանջները, «Ջրային ռեսուրսների համատեղված կառավարում/Ախուրյան գետ, փուլ 1» (Կապսի ջրամբարի և ոռոգման ինքնահոս համակարգի կառուցում) ծրագիրը, Հայաստանի Հանրապետության կառավարության 2020 թվականի  օգոստոսի 27-ի N 1411-Լ որոշումը, Հայաստանի   Հանրապետության Շիրակի մարզի Ախուրյան համայնքի ավագանին՝

որոշում է.

1. Համաձայնություն տալ Հայաստանի Հանրապետության Շիրակի մարզի Ախուրյան համայնքի հողերի օգտագործման ժամանակավոր սխեմայում հողամասերի նպատակային նշանակությունները փոխելու վերաբերյալ համայնքի ղեկավարի առաջարկությանը, որով նախատեսվում է` Հայաստանի Հանրապետության Շիրակի մարզի Ախուրյան համայնքի վարչական տարածքում գտնվող և «Ջրային ռեսուրսների համատեղված կառա¬վա-րում/Ախուրյան գետ, փուլ 1» (Կապսի ջրամբարի և ոռոգման ինքնահոս համա¬կարգի կառու-ցում) ծրագրի շրջանակներում Կապսի ջրամբարի կառուցման նպատակով նախատեսված, Հայաստանի Հանրապետութան Շիրակի մարզի Ախուրյան համայնքի սեփականությունը հանդիսացող, Կապս բնակավայրի տարածքում գտնվող 14,7987 հեկտար ընդհանուր մակերեսով հողամասերը /երեք կտոր/, փոխադրել ջրային  հողերի կատեգորիա՝ ջրամբար գործառնական նշանակություն:
2. Հաստատել նպատակային և գործառնական նշանակությունները փոփոխվող հողամասերի ցանկը՝ համաձայն հավելվածի։
3. Հայաստանի Հանրապետության Շիրակի մարզի Ախուրյան համայնքի ղեկավար Արծրունի Իգիթյանին՝ սահմանված կարգով` Հայաստանի Հանրապետության Շիրակի մարզի Ախուրյան համայնքի հողերի օգտագործման ժամանակավոր սխեմայում սույն որոշման 1-ին կետում նշված հողամասերի նպատակային նշանակությունները փոխելու նպատակով կազմել համապատասխան հողաշինարարական գործ և ներկայացնել Հայաստանի Հանրապետության Շիրակի մարզպետին: