Քաղաքացի Հովհաննես Հրաչի Պետրոսյանը դիմել է Հայաստանի Հանրապետության Շիրակի մարզի Ախուրյան համայնքի ղեկավարին` համասեփականության իրավունքով իրենց ընտանիքի անդամներին պատկանող 08-027-0022-0010 կադաստրային ծածկագրով, բնակավայրերի նպատակային նշանակության, բնակելի կառուցապատման գործառնական նշանակության 0,18771 հեկտար մակերեսով տնամերձ հողամասի վրա առկա, ինքնակամ համարվող բնակելի նշանակության շենք շինություններն օրինական ճանաչելու խնդրանքով: Հայաստանի Հանրապետության Շիրակի մարզի Բենիամին գյուղում հողային բարեփոխումների և սեփականաշնորհման տեղական հանձնաժողովի 1991 թվականի ապրիլի 7-ի թիվ 6 որոշումով Հովհաննես Հրաչի Պետրոսյանի ընտանիքի անդամների անվամբ սեփականաշնորհված՝ Հայաստանի Հանրապետության Շիրակի մարզի Ախուրյան համայնքի Բենիամին գյուղի 10-րդ փողոց, թիվ 4 հասցեի հողամասի վրա ինքնակամ կառուցված 195,29 քառակուսի մետր ընդհանուր ներքին մակերեսով բնակելի տունը և օժանդակ շինությունը կառուցվել են 1988-1995 թվականներին, իսկ 0,33 քառակուսի մետր մակերեսով շվաքարանը կառուցվել է 2006 թվականին (2001 թվականի մայիսի 15-ից հետո): Ինքնակամ կառույցները կառուցված չեն քաղաքաշինական նորմերի և կանոնների էական խախտումներով, դրանց պահպանումը չի խախտում այլ անձանց իրավունքները և oրենքով պահպանվող շահերը, վտանգ չի uպառնում քաղաքացիների կյանքին ու առողջությանը և չի առաջացնում հարկադիր uերվիտուտ պահանջելու իրավունք: Ինքնակամ կառույցները հաշվառված են Հայաստանի Հանրապետության անշարժ գույքի կադաստրի կոմիտեում թիվ 2024ALJLLX ծածկագրով։ Ղեկավարվելով քաղաքացիական օրենսգրքի 188-րդ հոդվածի 6-րդ մասի, «Նորմատիվ իրավական ակտերի մասին» օրենքի 38-րդ հոդվածի 1-ին մասի, «Տեղական ինքնակառավարման մասին» օրենքի 35-րդ հոդվածի 1-ին մասի 24-րդ կետի, Հայաստանի Հանրապետության կառավարության 2022 թվականի հունվարի 5-ի թիվ 14-Ն որոշման 2-րդ կետի, «Ինքնակամ կառույցների օրինականացման և տնօրինման կարգը հաստատելու մասին» Հայաստանի Հանրապետության կառավարության 2006 թվականի թիվ 912-Ն որոշման 1-ին և 4-րդ կետերի դրույթներով, համաձայն նույն որոշման կարգի 8-րդ, 9-րդ, 10-րդ, 11-րդ կետերի, 13-րդ կետի ա) ենթակետի, 22.1 կետի պահանջների, ինչպես նաև հաշվի առնելով Հայաստանի Հանրապետության կադաստրի կոմիտեի 2024 թվականի հոկտեմբերի 30-ի թիվ Կ-30102024-08-0228 որոշումը և «Անշարժ գույքի հարկով հարկման նպատակով անշարժ գույքի շուկայական արժեքին մոտարկված կադաստրային գնահատման կարգը սահմանելու մասին» Հայաստանի Հանրապետության օրենքի 4-րդ հոդվածով սահմանված շինության տարածագնահատման (գտնվելու վայրի) գոտիականության գործակիցների (Գգ) սահմանված չափը՝ որը Բենիամին գյուղի (Շիրակի մարզ, 17-րդ գոտի) համար 0,0743 է ` որոշում եմ
1.Հայաստանի Հանրապետության Շիրակի մարզի Ախուրյան համայնքի Բենիամին գյուղի 10-րդ փողոց, թիվ 4 հասցեի հողամասի վրա ինքնակամ կառուցված 195,29 քառակուսի մետր ընդհանուր ներքին մակերեսով բնակելի տունը և օժանդակ շինությունը ճանաչել օրինական՝ առանց վճարների գանձման: 2.Նույն հողամասի վրա 2006 թվականին ինքնակամ կառուցված 0,33 քառակուսի մետր մակերեսով շվաքարանը ճանաչել օրինական սահմանված վճարների դիմաց: 3.Որոշման 2-րդ կետով օրինական ճանաչված բնակելի նշանակության շինության համար սահմանել 10000 Հայատանի Հանրապետության դրամ վճար և կիրառել 0,0743 գործակիցը: Օրինականացման հաշվարկված վճարը կազմում է 246 (երկու հայրուր քառասունվեց) Հայաստանի Հանրապետության դրամ: 4.Որոշման ընդունման օրվանից հաշված, 60 օրյա ժամկետում, օրինականացման համար սույն որոշման 3-րդ կետով սահմանված գումարը չվճարելու դեպքում` որոշումն համարվում է ուժը կորցրած: 5.Որոշումն ուժի մեջ է մտնում գույքի համասեփականատերերին պատշաճ իրազեկելու օրվան հաջորդող օրվանից: 6.Գույքային իրավունքների պետական գրանցումն իրականացնել Հայաստանի Հանրապետության օրենսդրությամբ սահմանված կարգով: 7.Անվավեր ճանաչել Հայաստանի Հանրապետության Շիրակի մարզի Ախուրյան համայնքի ղեկավարի 2023 թվականի հունվարի 13-ի «Հայաստանի Հանրապետության Շիրակի մարզի Ախուրյան համայնքի Բենիամին գյուղի 10-րդ փողոց, թիվ 4 հասցեի 08-027-0022-0010 կադաստրային ծածկագրով հողամասի վրա ինքնակամ կառուցված բնակելի տունը և բնակելի նշանակության շենք շինություններն օրինական ճանաչելու մասին» թիվ 20-Ա որոշումը: