Քաղաքացի Սիմոն Միասնիկի Գևորգյանը (ծնված 1978 թվականի նոյեմբերի 14-ին)  դիմել է Հայաստանի Հանրապետության Շիրակի մարզի Ախուրյան համայնքի ղեկավարին` համասեփականության իրավունքով իրենց ընտանիքին պատկանող, Հայաստանի Հանրապետության  Շիրակի մարզի Ախուրյան համայնքի  Երազգավորս բնակավայրի, 3-րդ փողոց 80 հասցեում գտնվող, 0,12117 հեկտար մակերեսով, 08-037-0003-0011 կադաստրային ծածկագրով բնակավայրերի նպատակային նշանակության, բնակելի կառուցապատման գործառնական նշանակության հողամասի վրա առկա, ինքնակամ կառուցված շինություններն օրինական ճանաչելու խնդրանքով։

Համասեփականության իրավունքով իրենց ընտանիքին պատկանող հողամասի վրա ինքնակամ կառուցված 330.29 քառակուսի մետր ընդհանուր արտաքին մակերեսով բնակելի տունը, աստիճանը, շվաքարանները, ավտոտնակը, գոմը  և պարիսպները կառուցվել են 2015 թվականից մինչև 2017 թվականին (2001 թվականի մայիսի 15-ից հետո)։ Ինքնակամ շինությունները կառուցված չեն քաղաքաշինական նորմերի և կանոնների էական խախտումներով, դրանց պահպանումը չեն խախտում այլ անձանց իրավունքները և oրենքով պահպանվող շահերը, վտանգ չեն uպառնում քաղաքացիների կյանքին ու առողջությանը և չեն առաջացնում հարկադիր uերվիտուտ պահանջելու իրավունք: Ինքնակամ կառույցները հաշվառված են Հայաստանի Հանրապետության անշարժ գույքի կադաստրի կոմիտեում  թիվ 2024TE5WC2 ծածկագրով:

Ղեկավարվելով   քաղաքացիական   օրենսգրքի  188-րդ  հոդվածի   6-րդ  մասի,    «Տեղական ինքնակառավարման մասին» օրենքի 35-րդ հոդվածի 1-ին մասի 24-րդ կետի, Հայաստանի Հանրապետության կառավարության 2022 թվականի հունվարի 5-ի թիվ 14-Ն որոշման 2-րդ կետի և Հայաստանի Հանրապետության կառավարության 2006 թվականի մայիսի 18-ի թիվ 912-Ն որոշման 1-ին և 4-րդ կետերի դրույթներով, համաձայն նույն որոշմամբ հաստատված կարգի 8-րդ, 9-րդ, 10-րդ, 11-րդ կետերի, 13-րդ կետի «ա» և «բ» ենթակետերի պահանջների,  ինչպես նաև հաշվի առնելով «Անշարժ գույքի հարկով հարկման նպատակով անշարժ գույքի շուկայական արժեքին մոտարկված կադաստրային գնահատման կարգը սահմանելու մասին» Հայաստանի Հանրապետության օրենքի 4-րդ հոդվածի 2-րդ մասի 6-րդ կետով սահմանված, շինության տարածագնահատման (գտնվելու վայրի) գոտիականության գործակիցների սահմանված չափը՝ որը Երազգավորս բնակավայրի (Շիրակի մարզ, 17-րդ գոտի) համար 0,0743 է և հիմք ընդունելով Սիմոն Միասնիկի Գևորգյանի դիմումը՝ որոշում եմ.

1.Հայաստանի Հանրապետության  Շիրակի մարզի Ախուրյան համայնքի  Երազգավորս  բնակավայրի, 3-րդ փողոց 80 հասցեի հողամասի վրա գտնվող ինքնակամ կառուցված 330.29 քառակուսի մետր ընդհանուր արտաքին մակերեսով բնակելի տունը,  աստիճանը, շվաքարանները, ավտոտնակը, գոմը  և պարիսպները ճանաչել օրինական՝ սահմանված վճարների դիմաց:

2.Սույն որոշման 1-ին կետով օրինական ճանաչված բնակելի նշանակության 166,19 քառակուսի մետր ընդհանուր արտաքին մակերեսով բնակելի տան, շվաքարանի և աստիճանի յուրաքանչյուր մեկ քառակուսի մետրի օրինականացման համար սահմանել 10000 դրամ, իսկ 164,1 քառակուսի մետր  ընդհանուր արտաքին մակերեսով ավտոտնակի, գոմի, շվաքարանի և պարիսպների յուրաքանչյուր մեկ քառակուսի մետրի օրինականացման համար սահմանել 6000 դրամ, որոնց նկատմամբ կիրառվում է շինության տարածագնահատման գոտիականության 0,0743 գործակիցը։

3.Շինությունների օրինականացման համար հաշվարկված ընդհանուր գումարը կազմում է 196635 (մեկ հարյուր իննսունվեց հազար վեց հարյուր երեսունհինգ) դրամ, որից 123479 (մեկ հարյուր քսաներեք հազար չորս հարյուր յոթանասունինը) դրամը բնակելի տան, շվաքարանի և աստիճանի  օրինականացման արժեքն է, իսկ 73156 (յոթանասուերեք հազար մեկ հարյուր հիսունվեց) դրամը ավտոտնակի, գոմի, շվաքարանի և պարիսպների օրինականացման արժեքն է։

4.Սույն որոշման ուժի մեջ մտնելու օրվանից հաշված, 60 օրյա ժամկետում, օրինականացման համար սույն որոշման 3-րդ կետում նշված ընդհանուր գումարը չվճարելու դեպքում` որոշումն համարվում է ուժը կորցրած:

5.Սույն որոշումն ուժի մեջ է մտնում անշարժ գույքի համասեփականատերերին  պատշաճ իրազեկելու օրվան հաջորդող օրվանից:

6.Գույքային իրավունքների պետական գրանցումն իրականացնել Հայաստանի Հանրապետության օրենսդրությամբ սահմանված կարգով: