Ղեկավարվելով «Տեղական ինքնակառավարման մասին» օրենքի 18-րդ հոդվածի 1-ին մասի 21-րդ կետի, հողային օրենսգրքի 66-րդ հոդվածի 1-ին մասի 1-ին և 3-րդ կետերի և 2-րդ մասի դրույթներով, հիմք ընդունելով քաղաքացի Հասմիկ Համոզի Մարտիրոսյանի դիմումը և Շիրակի մարզի առաջին ատյանի ընդհանուր իրավասության դատարանի 2024 թվականի սեպտեմբերի 12-ի թիվ ՇԴ1/0651/02/23 վճիռը՝ Հայաստանի Հանրապետության Շիրակի մարզի Ախուրյան համայնքի ավագանին որոշում է՝

  1. Ձեռքբերման վաղեմության ուժով քաղաքացի Հասմիկ Համոզի Մարտիրոսյանի (ծնված 21/07/1954 թվական) սեփականությունը համարված, Հայաստանի Հանրապետության Շիրակի մարզի Ախուրյան համայնքի Ազատան բնակավայրի 1-ին փողոց 96 հասցեում գտնվող, 08-004-0105-0013-001 կադաստրային ծածկագրով հասարակական նշանակության խանութի զբաղեցրած 08-004-0105-0013 կադաստրային ծածկագրով բնակավայրերի նպատակային նշանակության, այլ հող գործառնական նշանակության 362,27 քառակուսի մետր մակերեսով հողամասն ուղղակի վաճառքի միջոցով օտարել շինության սեփականատիրոջը:

  2. Սույն որոշման 1-ին կետով օտարվող հողամասի վաճառքի գինը սահմանել կադաստրային արժեքի չափով՝ մեկ քառակուսի մետրի համար 1221 Հայաստանի Հանրապետության դրամ: Հողամասի ընդհանուր արժեքը կազմում է 442332 (չորս հարյուր քառասուներկու հազար, երեք հարյուր երեսուներկու) դրամ:

  3. Հայաստանի Հանրապետության Շիրակի մարզի Ախուրյան համայնքի ղեկավարին՝ սահմանված կարգով փոխել հողամասի գործառնական նշանակությունը և սույն որոշման պայմաններով կնքել հողամասի առուվաճառքի պայմանագիր: