Ղեկավարվելով «Տեղական ինքնակառավարման մասին» օրենքի 18-րդ հոդվածի 1-ին մասի 21-րդ կետի, քաղաքացիական օրենսգրքի 605-րդ հոդվածի 1-ին և 3-րդ մասերի դրույթներով, hիմք ընդունելով Հայկական Խորհրդային Սոցիալիստական Հանրապետության ժողովրդական դեպուտատների քսաներորդ գումարման Լենինականի քաղաքային խորհրդի նստաշրջանի 1991 թվականի մայիսի 3-ի թիվ 6, Հայաստանի Հանրապետության Ժողովրդական պատգամավորների Կումայրիի քաղաքային  խորհրդի գործադիր կոմիտեի 1991 թվականի սեպտեմբերի 27-ի թիվ 10, Հայաստանի Սովետական Սոցիալիստական Հանրապետության Ժողովրդական դեպուտատների Լենինականի քաղաքային սովետի գործադիր կոմիտեի 1993 թվականի օգոստոսի 8-ի թիվ 24 արձանագրությունները և Հայաստանի Հանրապետության Շիրակի մարզի Ախուրյան համայնքի բնակիչ Գագիկ Լևոնի և Լևոն Միհրանի Հայրապետյանների միասնական դիմումը, Հայաստանի Հանրապետության Շիրակի մարզի Ախուրյան համայնքի ավագանին  որոշում է՝

1․ Հայաստանի Հանրապետության Շիրակի մարզի Ախուրյան համայնքի Վարհամաբերդ բնակավայրի, Լեն-Գէս թաղամասի, 1-ին շենքի թիվ 8 հասցեի համայնքային սեփականություն հանդիսացող, չորս սենյականոց բնակարանը՝ 108,35 քառակուսի մետր ընդհանուր մակերեսով, բազմաբնակարան շենքի ընդհանուր օգտագործման տարածքների և շենքով զբաղեցված հողամասի նկատմամբ բաժնային սեփականության իրավունքով նվիրատվություն կատարել այդ բնակելի տանը 2006 թվականից փաստացի բնակվող Գագիկ Լևոնի Հայրապետյանի ընտանիքի հետևյալ երկու անդամներին․

1) Հայրապետյան Գագիկ Լևոնի (ծնված 1975 թվականի հունիսի 21-ին), ինքը,

2) Հայրապետյան Լևոն Միհրանի (ծնված 1938 թվականին), հայրը,

2․ Հայաստանի Հանրապետության Շիրակի մարզի Ախուրյան համայնքի ղեկավարին՝ նվիրառուների հետ կնքել գույքի նվիրատվության պայմանագիր, ապահովել դրա նոտարական վավերացումը և անշարժ գույքի նկատմամբ քաղաքացիների իրավունքների պետական գրանցումը՝ վերջիններիս միջոցներով։