Ղեկավարվելով «Տեղական ինքնակառավարման մասին» օրենքի 18-րդ հոդվածի 1-ին մասի 21-րդ կետի, Հայաստանի Հանրապետության քաղաքացիական օրենսգրքի 605–րդ հոդվածի 1-ին և 3-րդ մասերի դրույթներով, հաշվի առնելով Հայաստանի Հանրապետության կառավարության 2020 թվականի օգոստոսի 13-ի թիվ 1326-Ն որոշման N 4 հավելվածի 062-001 ծածկագրով տողի 10-րդ սյունակում կատարված փոփոխությունը («Մանկապարտեզ» բառը փոխարինվել է «բնակելի շենք» բառերով), հիմք ընդունելով Հայաստանի Հանրապետության Շիրակի մարզպետի 2020 թվականի օգոստոսի 19-ի թիվ 01/09081-2020 գրությունը, ինչպես նաև  Հայաստանի Հանրապետության Շիրակի մարզի Ախուրյան համայնքի բնակիչ Դիմիտրի Հրաչի Բաղդասարյանի և նրա ընտանիքի անդամների համատեղ դիմումը, Հայաստանի Հանրապետության Շիրակի մարզի Ախուրյան համայնքի ավագանին որոշում է՝

1.Հայաստանի Հանրապետության Շիրակի մարզի Ախուրյան համայնքի սեփականություն համարվող, Հայաստանի Հանրապետության Շիրակի մարզի Ախուրյան համայնքի, Ախուրյան բնակավայրի, Ջրաշինարարների փողոց, 4-րդ անցում, 5-րդ շենքի, թիվ 11, երեք սենյականոց բնակարանը՝ 109,7 քառակուսի մետր ընդհանուր մակերեսով, բազմաբնակարան շենքի ընդհանուր օգտագործման տարածքների և շենքով զբաղեցված հողամասի նկատմամբ բաժնային սեփականության իրավունքով նվիրատվություն կատարել Դիմիտրի Հրաչի Բաղդասարյանի ընտանիքի հետևյալ չորս անդամներին․

1) Բաղդասարյան Դիմիտրի Հրաչի (ծնված 1943 թվականի փետրվարի 19-ին), ինքը,

2) Մելքոնյան Նելյա Մարգարի (ծնված 1950 թվականի մայիսի 2-ին), կինը,

3) Բաղդասարյան Հրաչյա Դիմիտրիի (ծնված 1987 թվականի սեպտեմբերի 12-ին), տղան,

4) Բաղդասարյան Գայանե Դիմիտրիի (ծնված 1988 թվականի նոյեմբերի 06-ին), աղջիկը,

2. Հայաստանի Հանրապետության Շիրակի մարզի Ախուրյան համայնքի ղեկավարին՝ նվիրառուների հետ կնքել գույքի նվիրատվության պայմանագիր, ապահովել դրա նոտարական վավերացումը և անշարժ գույքի նկատմամբ քաղաքացիների իրավունքների պետական գրանցումը՝ վերջիններիս միջոցներով։