Ղեկավարվելով «Տեղական ինքնակառավարման մասին» Հայաստանի Հանրապետության օրենքի 18-րդ հոդվածի 1-ին մասի 42-րդ կետի, «Նորմատիվ իրավական ակտերի մասին» Հայաստանի Հանրապետության օրենքի 33-րդ հոդվածի 1-ին մասի 3-րդ կետի, 34-րդ հոդվածի 1-ին, 2-րդ, 3-րդ մասերի դրույթներով և հիմք ընդունելով Հայաստանի Հանրապետության կառավարության 2007 թվականի փետրվարի 1-ի N 201-Ն որոշմամբ սահմանված N 5 հավելվածի 20-րդ կետի դրույթները, Հայաստանի Հանրապետության Շիրակի մարզի Ախուրյան համայնքի ավագանին
որոշում է՝ 1. Հայաստանի Հանրապետության Շիրակի մարզի Ախուրյան համայնքի ավագանու 2022 թվականի նոյեմբերի 17-ի «Հայաստանի Հանրապետության Շիրակի մարզի Ախուրյան համայնքի համայնքային ոչ առևտրային կազմակերպությունների աշխատակիցների 2023 թվականի աշխատողների թվաքանակը, հաստիքացուցակը և պաշտոնային դրույքաչափերը հաստատելու մասին» թիվ 213-Ա որոշման թիվ 15-19 հավելվածները շարադրել նոր խմբագրությամբ՝ համաձայն N15-N19 հավելվածների:
2. Սույն որոշումն ուժի մեջ է մտնում Հայաստանի Հանրապետության Շիրակի մարզի Ախուրյան համայնքի «Արևիկի երաժշտական դպրոց», «Վահրամաբերդի երաժշտական դպրոց», «Մարմաշենի արվեստի դպրոց», «Ախուրյանի ֆերմատա արվեստի դպրոց», «Ազատանի մարզամշակութային կենտրոն» համայնքային ոչ առևտրային կազմակերպությունների տնօրեններին ու մանկավարժներին պատշաճ ծանուցելու օրվան հաջորդող օրվանից: |