Ղեկավարվելով «Տեղական ինքնակառավարման մասին» Հայաստանի Հանրապետության օրենքի 18-րդ հոդվածի 1-ին մասի 21-րդ կետի, «Նորմատիվ իրավական ակտերի մասին» Հայաստանի Հանրապետության օրենքի 37-րդ հոդվածի 1-ին մասի դրույթներով, հիմք ընդունելով Հայաստանի Հանրապետության Շիրակի մարզի Ախուրյան համայնքի ավագանու «Հաղթանակ» խմբակցության ղեկավարի զեկուցագիրը՝ Հայաստանի Հանրապետության Շիրակի մարզի Ախուրյան համայնքի սեփականություն հանդիսացող «Լեքսուս RX 350» մակնիշի ավտոմեքենան օգտագործման իրավունքով Հայաստանի Հանրապետության Շիրակի մարզի Ախուրյան համայնքի ավագանու թվով երեք խմբակցություններին և Հայաստանի Հանրապետության Շիրակի մարզի Ախուրյանիհամայնքապետարանի աշխատակազմինտրամադրելու մասին, ինչպես նաև հաշվի առնելով ավտոմեքենայի շահագործման գործընթացն առավել արդյունավետ կազմակերպելու անհրաժեշտությունը՝
Հայաստանի Հանրապետության Շիրակի մարզի Ախուրյան համայնքի ավագանին որոշում է 1. Հայաստանի Հանրապետության Շիրակի մարզի Ախուրյան համայնքի սեփականություն հանդիսացող «Լեքսուս RX 350» մակնիշի ավտոմեքենան Հայաստանի Հանրապետության Շիրակի մարզի Ախուրյան համայնքի խմբակցությունների լիազորությունների ժամկետով, ծառայողական նպատակով օգտագործման տրամադրել Հայաստանի Հանրապետության Շիրակի մարզի Ախուրյան համայնքի ավագանու «Քաղաքացիական պայմանագիր», «Հաղթանակ» և «Ախուրյան» խմբակցություններին, ինչպես նաև Հայաստանի Հանրապետության Շիրակի մարզի Ախուրյանի համայնքապետարանի աշխատակազմին:
2. Հայաստանի Հանրապետության Շիրակի մարզի Ախուրյան համայնքի ղեկավար Արծրունի Իգիթյանին՝ կատարել ավտոմեքենայի ամրագրում և այն սահմանված կարգով օգտագործման տրամադրել միայն համապատասխան հայտի առկայության դեպքում:
3. ՈՒժը կորցրած ճանաչել Հայաստանի Հանրապետության Շիրակի մարզի Ախուրյան համայնքի ավագանու 2022 թվականի հուլիսի 15-ի «Հայաստանի Հանրապետության Շիրակի մարզի Ախուրյան համայնքի սեփականությունը հանդիսացող «Լեքսուս RX 350» մակնիշի ավտոմեքենան Հայաստանի Հանրապետության Շիրակի մարզի Ախուրյան համայնքի ավագանու «Քաղաքացիական պայմանագիր» խմբակցությանը օգտագործման տրամադրելու մասին» թիվ 140-Ա որոշումը: |