Ղեկավարվելով «Տեղական ինքնակառավարման մասին» Հայաստանի Հանրապետության օրենքի 18-րդ հոդվածի 1-ին մասի 42-րդ կետով և հիմք ընդունելով «Հայկական Կարիտաս» բարեսիրական հասարակական կազմակերպության գործադիր տնօրենի գրությունը՝ կազմակերպության կողմից Ախուրյան համայնքի Արևիկ գյուղի եկեղեցու արտաքին և ներքին բարեկարգման ծրագրի իրականացման համար գումար հատկացնելու մասին, Հայաստանի Հանրապետության Շիրակի մարզի Ախուրյան համայնքի ավագանին որոշում է՝ Հայաստանի Հանրապետության Շիրակի մարզի Ախուրյան համայնքի 2022 թվականի բյուջեի ընդհանուր բնույթի հանրային ծառայություններ (այլ դասերին չպատկանող) ծրագրի 4657 հոդվածից (այլ կապիտալ դրամաշնորհներ) Հայաստանի Հանրապետության Շիրակի մարզի Ախուրյան համայնքի Արևիկ գյուղի եկեղեցու արտաքին և ներքին բարեկարգման աշխատանքների ծրագրի իրականացման համար, որպես համայնքային ներդրում «Հայկական Կարիտաս» բարեսիրական հասարակական կազմակերպությանը հատկացնել 250,0 (երկու հարյուր հիսուն հազար) հազար դրամ: |