Ղեկավարվելով «Տեղական ինքնակառավարման մասին» օրենքի 18-րդ հոդվածի 1-ին մասի 21-րդ կետի, հողային օրնսգրքի 66-րդ հոդվածի 1-ին մասի 8-րդ կետի և 2-րդ մասի դրույթներով, ինչպես նաև հաշվի առնելով, որ օտարվող հողամասը բավարարում է Հայաստանի Հանրապետության կառավարության 2016 թվականի մայիսի 26-ի թիվ 550-Ն որոշման 1-ին կետի 3-րդ ենթակետի պահանջներին և նույն որոշման 2-րդ կետի համաձայն չի դիտարկվում որպես առանձին գույքային միավոր աճուրդային կարգով օտարման ենթակա հողամաս, կադաստրային քարտեզում թաղամասի ուղղման պատճառով դիմումատուի հողամասի մակերեսի հաշվին առաջացած հատված է և հիմք ընդունելով քաղաքացի Կարեն Ռուդիկի Զախարյանի դիմումը՝ Հայաստանի Հանրապետության Շիրակի մարզի Ախուրյան համայնքի ավագանին՝ որոշում է.

1.Քաղաքացի Կարեն Ռուդիկի Զախարյանին (ծնված 1983 թվականի օգոստոսի 7-ին) սեփականության իրավունքով պատկանող, Հայաստանի Հանրապետության Շիրակի մարզի Ախուրյան համայնքի, Ազատան բնակավայրի 08-004-0618-0032 կադաստրային ծածկագրով, 1,02453 հեկտար մակերեսով գյուղատնտեսական նպատակային նշանակության, վարելահողի ընդլայնման համար, դրա հարևանությամբ գտնվող, Հայաստանի Հանրապետության Շիրակի մարզի Ախուրյան համայնքի սեփականությունը հանդիսացող, 08-004-0618-0035 կադաստրային ծածկագրով, նույն նպատակային և գործառնական նշանակության 0,18484 հեկտար մակերեսով հողամասն ուղղակի վաճառքի միջոցով օտարել ընդլայնվող հողամասի սեփականատիրոջը՝ իր հողամասի ուղղանկյունաձևության վերականգնման համար:

2.Սույն որոշման 1-ին կետով օտարվող հողամասի վաճառքի գինը հաստատել կադաստրային արժեքի չափով՝ 262935 (երկու հարյուր վաթսուներկու հազար, ինը հարյուր երեսունհինգ) դրամ:

3.Առաջարկել Հայաստանի Հանրապետության Շիրակի մարզի Ախուրյան համայնքի ղեկավարին՝ սույն որոշման 1-ին կետում նշված հողամասն օտարելու նպատակով կնքել առուվաճառքի պայմանագիր և ապահովել գույքային իրավունքների փոխանցումը դիմումատուի միջոցներով: