Ղեկավարվելով «Տեղական ինքնակառավարման մասին» օրենքի 18-րդ հոդվածի 1-ին մասի 21-րդ կետի դրույթներով և հաշվի առնելով, որ «Գազպրոմ Արմենիա» փակ բաժնետիրական ընկերությունը հանդիսանում է Հայաստանի Հանրապետությունում գազամատակարարման օպերատոր՝ Հայաստանի Հանրապետության Շիրակի մարզի Ախուրյան համայնքի ավագանին որոշում է. 1. Հայաստանի Հանրապետության Շիրակի մարզի Ախուրյան համայնքի Հայկավան բնակավայրի գազամատակարարումն ապահովելու համար սուբվենցիոն ծրագրի շրջանակներում նոր կառուցված գազատար խողովակաշարի բաղկացուցիչ մաս հանդիսացող 57-133 միլիմետր տրամագծով 3950 մետր ընդհանուր երկարությամբ հենասյուները, համակարգի տասներկու սողնակային փականները, գազի կարգավորման էլեկտրոնային ճշտիչը, 133 միլիմետ տրամագծով 651,48 մետր երկարությամբ, 108 միլիմետր տրամագծով 1432,56 մետր երկարությամբ, 89 միլիմետր տրամագծով 1508,75 մետր երկարությամբ, 76 միլիմետր տրամագծով 945,15 մետր երկարությամբ, 57 միլիմետր տրամագծով 3194,40 մետր երկարությամբ գազատար խողովակաշարը (իրավունքների պետական գրանցման վկայական թիվ 23092025-08-0028) անհատույց, անժամկետ օգտագործման իրավունքով տրամադրել Հայաստանի Հանրապետությունում գազամատակարարման օպերատոր «Գազպրոմ Արմենիա» փակ բաժնետիրական ընկերությանը՝ Շիրակ բնակավայրում գազամատակարարում իրականացնելու նպատակով:
2. Սահմանված կարգով կնքել պայմանագիր և իրավունքները ներկայացնել պետական գրանցման: |