2024 թվականի հուլիսի 1-ին Հայաստանի Հանրապետության Շիրակի մարզի Ախուրյանի համայնքապետարանում կայացավ հանրային բաց քննարկում (լսում): Քննարկումը վարում էր Հայաստանի Հանրապետության Շիրակի մարզի Ախուրյանի համայնքապետարանի աշխատակազմի ֆինանսատնտեսագիտական, եկամուտների հաշվառման և հավաքագրման բաժնի պետ Նաիրա Սերոբյանը, արձանագրում էր գլխավոր մասնագետ Լուսինե Մաթևոսյանը։

Օրակարգում - Հայաստանի Հանրապետության Շիրակի մարզի Ախուրյան համայնքի 2025-2027 թվականների միջնաժամկետ ծախսերի ծրագրի նախագիծն է։ Մասնակցում էին –ՀՀ Շիրակի մարզի Ախուրյանի համայնքապետարանի աշխատակիցներ, բնակիչներ (մասնակիցների ցանկը կցվում է)։

Արտահայտվեցին` ՀՀ Շիրակի մարզի Ախուրյանի համայնքապետարանի աշխատակազմի ֆինանսատնտեսագիտական, եկամուտների հաշվառման և հավաքագրման բաժնի պետ՝ Նաիրա Սերոբյանը. Ներկայացվեց Ախուրյան համայնքի՝ հաջորդող 3 տարիների բյուջեի վարչական ու ֆոնդային մասերի եկամուտները՝ ըստ ձևավորման աղբյուրների, վարչական ու ֆոնդային մասերի հատկացումները՝ ըստ բյուջետային ծախսերի գործառնական դասակարգման: Ներկայացվեց սուբվենցիոն ծրագրերը ըստ բնակավայրերի, մասնակցային բյուջետավորման գործընթացի նախագծի մասին: Ներկայացվեց, որ Ախուրյան համայնքը գնում է հաստատուն զարգացման՝ համայնքապետարանի գործունեության արդյունավետության բարձրացման, աշխատանքի թափանցիկության և հաշվետվողականության ապահովմամբ, բնակիչներին լիարժեք հաշվետու լինելու միջոցով: Բնակիչների կողմից հնչեցին մի շարք հարցեր առաջարկներ, որոնք ընդունվեցին ի գիտություն հետագայում ընթացք տալու նպատակով: