Ղեկավարվելով «Տեղական ինքնակառավարման մասին» Հայաստանի Հանրապետության օրենքի 18-րդ հոդվածի 1-ին մասի 42-րդ կետի, Հայաստանի Հանրապետության հողային օրնսգրքի 48-րդ հոդվածի 4-րդ մասի, 76-րդ հոդվածի 3-րդ մասի, 94-րդ հոդվածի 6-րդ մասի և Հայաստանի Հանրապետության կառավարության 2010 թվականի հունվարի 14-ի թիվ 16-Ն որոշմամբ հաստատված կարգի 9-րդ և 14-րդ կետերի դրույթներով, ինչպես նաև հաշվի առնելով համայնքի ղեկավարի առաջարկությունը` Հայաստանի Հանրապետության Շիրակի մարզի  Ախուրյան  համայնքի ավագանին,

որոշում է՝

1. Համաձայնություն տալ՝ Հայաստանի Հանրապետության Շիրակի մարզի Ախուրյան համայնքի Կառնուտ բնակավայրի տարածքում գտնվող, պետական սեփականություն հանդիսացող, 08-053-0162-0003 կադաստրային ծածկագրով հողամասի սահմաններում գտնվող, գյուղատնտեսական նպատակային նշանակության, 4-րդ կարգի 1,5 հեկտար մակերեսով վարելահողի պահպանության գործընթացն առավել արդյունավետ կազմակերպելու, բերրիությունը բարձրացնելու և նպատակային նշանակությանը համապատասխան օգտագործելու նպատակով, մրցութային կարգով վարձակալության տրամադրելուն: 
2. Հողամասը վարձակալությամբ օգտագործման տրամադրել տասը տարի ժամանակով:
3. Տարեկան վարձավճարի մեկնարկային չափը սահմանել 48000 (քառասունութ հազար) Հայաստանի Հանրապետության դրամ:
4. Հայաստանի Հանրապետության Շիրակի մարզի Ախուրյան համայնքի ղեկավարին առաջարկել՝ կազմել հողաշինարարական գործ և օրենքով սահմանված կարգով ներկայացնել Հայաստանի Հանրապետության Շիրակի մարզպետին: