Ղեկավարվելով «Տեղական ինքնակառավարման մասին» Հայաստանի Հանրապետության օրենքի 10-րդ հոդվածի 11-րդ մասի, 18-րդ հոդվածի 1-ին մասի 42-րդ կետի, Հայաստանի Հանրապետության Շիրակի մարզի Ախուրյան համայնքի ավագանու 2022 թվականի ապրիլի 26-ի թիվ 61-Ն որոշման հավելվածի 17-րդ կետի դրույթներով, հաշվի առնելով Հայաստանի Հանրապետության Շիրակի մարզի Ախուրյան համայնքի Ազատան բնակավայրի վարչական ղեկավարի գրությունը և Հայաստանի Հանրապետության Շիրակի մարզի Ախուրյան համայնքի Ախուրյան բնակավայրի բնակիչ Արշակ Լևոնի Գեղամյանի դիմումը՝ Հայաստանի Հանրապետության Շիրակի մարզի Ախուրյան համայնքի ավագանին որոշում է՝

 1.  Հայաստանի Հանրապետության Շիրակի մարզի Ախուրյան համայնքի 2023 թվականի բյուջեի 10 բաժնի 07 խմբի 01 դասի սոցիալական հատուկ արտոնություններ (այլ դասերին չպատկանող) ծրագրի 4727 «Կրթական, մշակութային և սպորտային նպաստներ բյուջեից» հոդվածով հատկացված գումարներից դրամական աջակցություն տրամադրել՝

1) 2023 թվականի հոկտեմբերի 24-28-ը Ալբանիայի մայրաքաղաք Տիրանայում կայացած ազատ ոճի ըմբշամարտի երիտասարդների աշխարհի առաջնությունում (Մ23) 2-րդ տեղը զբաղեցրած Հայաստանի Հանրապետության Շիրակի մարզի Ազատան բնակավայրի բնակիչ՝ Մանվել Արծվիկի Խնձրցյանին 600000 (վեց հարյուր հազար) դրամ, մարզիչ Կարապետ Վաչագանի Ենգոյանին՝ 300000 (երեք հարյուր հազար) դրամ:

2) 2023 թվականի հոկտեմբերի 7-8-ը Ռուսաստանի Դաշնության ԿԻզիլ քաղաքում կայացած հունահռոմեական ոճի ըմբշամարտի զինվորականների ամենամյա միջազգային մրցաշարին 3-րդ տեղը զբաղեցրած Հայաստանի Հանրապետության Շիրակի մարզի Ախուրյան համայնքի Ախուրյան բնակավայրի բնակիչ Արշակ Լևոնի Գեղամյանին 100000 ( մեկ հարյուր հազար) դրամ, մարզիչ Արման Գեղամի Գեղամյանին՝ 50000 (հիսուն հազար) դրամ: