Ղեկավարվելով «Տեղական ինքնակառավարման մասին» օրենքի 18-րդ հոդվածի 1-ին մասի 21-րդ կետի դրույթներով և հաշվի առնելով, որ «Գազպրոմ Արմենիա» փակ բաժնետիրական ընկերությունը հանդիսանում է Հայաստանի Հանրապետությունում գազամատակարարման օպերատոր՝ Հայաստանի Հանրապետության Շիրակի մարզի Ախուրյան համայնքի ավագանին որոշում է. Հայաստանի Հանրապետության Շիրակի մարզի Ախուրյան համայնքի Երազգավորս և Բայանդուր բնակավայրերի տարածքում նոր կառուցված գազատար խողովակաշարի բաղկացուցիչ մաս հանդիսացող թվով 500 հենասյուները, երկու սողնակային փականները, գազի ճնշման կարգավորման կայանը և Բայանդուր բնակավայրի տարածքով անցնող 133 միլիմետր տրամագծով 1000,00 մետր երկարությամբ ու 159 միլիմետր տրամագծով 200,00 մետր երկարությամբ գազատար խողովակաշարը (իրավունքների պետական գրանցման վկայական թիվ 20082025-08-0000) անհատույց, անժամկետ օգտագործման իրավունքով տրամադրել Հայաստանի Հանրապետությունում գազամատակարարման օպերատոր «Գազպրոմ Արմենիա» փակ բաժնետիրական ընկերությանը՝ Երազգավորս բնակավայրում գազամատակարարում իրականացնելու նպատակով: |