Ղեկավարվելով <<Տեղական ինքնակառավարման մասին>> Հայաստանի Հանրապետության օրենքի 13-րդ հոդվածի 10-րդ մասի, 18-րդ հոդվածի 1-ին մասի 42-րդ կետի և <<Սոցիալական աջակցության մասին>> Հայաստանի Հանրապետության օրենքի 24-րդ հոդվածի 1-ին մասի 2-րդ և 3-րդ կետերի, 37-րդ հոդվածի 5-րդ մասի 1-ին և 3-րդ կետերի դրույթներով և հիմք ընդունելով 2022 թվականի մայիսի 31-ին կայացած Հայաստանի Հանրապետության Ախուրյան համայնքի տեղական սոցիալական պլանի հանրային քննարկման արձանագրությունը, Հայաստանի Հանրապետության Ախուրյան համայնքի ավագանին որոշում է․
1․ Տալ համաձայնություն <<Գործընկերություն և ուսուցում>> հասարակական կազմակերպության և միջգերատեսչական խմբի կողմից՝ Հայաստանի Հանրապետության Շիրակի մարզի Ախուրյան համայնքի համար մշակված տեղական սոցիալական ծրագրերին, որպես առանձին ծրագրեր՝ համաձայն թիվ 1, թիվ 2, թիվ 3, թիվ 4 հավելվածների։
2․Հավելվածներում ներառված ծրագրերն իրականացնել առաջնահերթության կարգով՝ համապատասխան ֆինասական ռեսուրսների առկայության դեպքում։ |