Ղեկավարվելով «Տեղական ինքնակառավարման մասին» Հայաստանի Հանրապետության օրենքի 18-րդ հոդվածի 1-ին մասի 21-րդ կետի, Հայաստանի Հանրապետության «Հողային օրենսգրքի» 75-րդ հոդվածի 1-ին մասի 1-ին կետի, Հայաստանի Հանրապետության կառավարության 2001 թվականի ապրիլի 12-ի թիվ 286 որոշմամբ հաստատված կարգի 38-րդ կետի «ա» ենթակետի, 39-րդ և 41-րդ կետերի դրույթներով, հիմք ընդունելով Հայաստանի Հանրապետության պաշտպանության նախարարության գլխավոր քարտուղարի 2025 թվականի հունիսի 25-ի թիվ ՊՆ/510-ԳՔ/7386-2025 գրությունը և հաշվի առնելով Հայաստանի Հանրապետության Շիրակի մարզի Ախուրյան համայնքի ղեկավարի առաջարկությունը՝ Հայաստանի Հանրապետության Շիրակի մարզի Ախուրյան համայնքի ավագանին որոշում է՝ 1.Հայաստանի Հանրապետության Շիրակի մարզի Ախուրյան համայնքի Քեթի բնակավայրի Արտադրական բազայի փողոց, 1/1 հասցեի համայնքային սեփականություն հանդիսացող արտադրական նշանակության շենքը և դրա սպասարկման ու պահպանման համար 08-119-0137-0003 կադաստրային ծածկագրով հողամասից առանձնացված, արդյունաբերության, ընդերքօգտագործման և այլ արտադրական օբյեկտների նպատակային նշանակության, արդյունաբերական օբյեկտների հողեր գործառնական նշանակություն 0,5 հեկտար մակերեսով հողամասը կառուցապատման և անհատույց օգտագործման իրավունքով, 25 տարի ժամկետով, տրամադրել Հայաստանի Հանրապետության պաշտպանության նախարարությանը՝ սեփական կարիքների համար, որպես պահեստարան օգտագործելու նպատակով:
2.Առաջարկել Հայաստանի Հանրապետության Շիրակի մարզի Ախուրյան համայնքի ղեկավարին՝ կնքել սույն որոշման 1-ին կետում նշված գույքը կառուցապատման և անհատույց օգտագործման իրավունքով տրամադրելու մասին պայմանագիր, օրենքով սահմանված կարգով այն ներկայացնել պետական գրանցման:
3.Սույն որոշման 2-րդ կետում նշված պայմանագրում ներառել դրույթներ՝ ժամկետը լրանալու դեպքում, օգտագործման տրամադրված գույքը համայնքին վերադարձնելու պահանջի մասին։ |