Քաղաքացի Արշակ Սամվելի Պետրոսյանին (ծնված 1979 թվականի հուլիսի 28-ին) վարձակալության իրավունքով պատկանող, Հայաստանի Հանրապետության Շիրակի մարզի Ախուրյան համայնքի Շիրակ բնակավայրի տարածքում, Մ-7 միջպետական ավտոճանապարհի հարեևանությամբ գտնվող, 08-089-0101-0008 կադաստրային ծածկագրով, գյուղատնտեսական նպատակային նշանակության արոտավայր հողատեսքի հողամասում առանց համապատասխան թույլտվության, տարածքում տեղադրել և հողին է ամրակցել 12Х3 մետր չափերի երկու մետաղյա տնակ, իրականցվում է գերեզմանոցների վերանորոգման և կառուցապատման աշխատանքներ, մետաղյա ցանկապատով  ապօրենի զավթվել է համայնքապատկան հողամասը։ 

 Հիմք ընդունելով Հայաստանի Հանրապետության ներքին գործերի նախարարության ոստիկանության համայնքային ոստիկանության գլխավոր վարչության Ախուրյանի բաժնի պետի 2025 թվականի հուլիսի 22-ին Ախուրյան համայնքի ղեկավարին հասցեագրված թիվ 72/4-1438 գրությունը, ղեկավարվելուվ «Տեղական ինքնակառավարման մասին» օրենքի 35-րդ հոդվածի 1-ին մասի 24-րդ կետի, 42-րդ հոդվածի 1-ին մասի 8-րդ կետի, քաղաքացիական օրենսգրքի 188-րդ հոդվածի 3-րդ մասի, «Վարչարարության հիմունքների և վարչական վարույթի մասին» օրենքի 71-րդ հոդվածի 1-ին մասի ա) կետի և 84-րդ հոդվածի 1-ին մասի դրույթներով՝

որոշում եմ,

1․ Հայաստանի Հանրապետության Շիրակի մարզի Ախուրյան համայնքի Շիրակ բնակավայրի տարածքում, Մ-7 միջպետական ճանապարհի հարևանությամբ գտնվող, քաղաքացի Արշակ Սամվելի Պետրոսյանին վարձակալության իրավունքով պատկանող 08-089-0101-0008 կադաստրային ծածկագրով, գյուղատնտեսական նպատակային նշանակության, արոտավայր հողատեսքի հողամասում ինքնակամ տեղադրված մետաղյան տնակները տեղահանել և հողամասը նախկին վիճակին բերել, ապօրենի զավթաց համայնքապատկան հողամասը ազատել մետաղյա ցանկապատից, վարձակալին նախազգուշացնելով չկատարելու դեպքում, դրանք իրավասու մարմնի կողմից հարկադրաբար տեղահանելու և տարածքը ազատելու մասին։

2․Իրազեկել քաղաքացի Արշակ Սամվելի Պետրոսյանին՝ երկամսյա ժամկետում սույն որոշումը բողոքարկելու իրավունքի, իսկ չբողոքարկելու դեպքում՝ տեղադրված տնակները չտեղափոխելու և հողամասը նախկին վիճակին վերականգնելու, ապօրենի զավթաց համայնքապատկան հողամասը ազատելու պարտավորությունները չկատարելու հետևանքով Հայաստանի Հանրապետության օրենսդրությամբ նախատեսված վարչական պատասխանատվության մասին։

3․ Սույն որոշման կատարման հսկողությունը վերապահ ել Ախուրյանի համայնքապետարանի քաղաքաշինության և հողաշինության բաժնի գլխավոր մասնագետ՝ Հովհաննես Սարգսյանին։։

4․ Սույն որոշումը ուժի մեջ է մտնում Արշակ Սամվելի Պետրոսյանին իրազեկելու հաջորդող օրվանից և կարող է բողոքարկվել վարչական կամ դատական կարգով՝ ընդունող մարմնին կամ վարչական դատարան դիմելու միջոցով, որոշման ուժի մեջ մտնելու օրվանից 2 ամսվա ընթացքում։