Ղեկավարվելով «Տեղական ինքնակառավարման մասին» օրենքի 18-րդ հոդվածի 1-ին մասի 21-րդ կետի, քաղաքացիական օրենսգրքի 605-րդ հոդվածի 1-ին և 3-րդ մասերի դրույթներով, hիմք ընդունելով Հայկական Խորհրդային Սոցիալիստական Հանրապետության ժողովրդական դեպուտատների քսաներորդ գումարման Լենինականի քաղաքային խորհրդի նստաշրջանի 1991 թվականի մայիսի 3-ի թիվ 6, Հայաստանի Հանրապետության ժողովրդական պատգամավորների Կումայրիի քաղաքային  խորհրդի գործադիր կոմիտեի 1991 թվականի սեպտեմբերի 27-ի թիվ 10 արձանագրությունները և Հայաստանի Հանրապետության Շիրակի մարզի Ախուրյան համայնքի բնակիչ Խաչատուր Կամոյի Սարգսյանի և ընտանիքի անդամների միասնական դիմումը, Հայաստանի Հանրապետության Շիրակի մարզի Ախուրյան համայնքի ավագանին  որոշում է՝

1․ Հայաստանի Հանրապետության Շիրակի մարզի Ախուրյան համայնքի Վարհամաբերդ բնակավայրի, Լեն-Գէս թաղամասի, 2-րդ խճուղի, 2-րդ շենքի թիվ 2 հասցեի համայնքային սեփականություն հանդիսացող չորս սենյականոց բնակարանը՝ 109,6 քառակուսի մետր ընդհանուր մակերեսով, բազմաբնակարան շենքի ընդհանուր օգտագործման տարածքների և շենքով զբաղեցված հողամասի նկատմամբ բաժնային սեփականության իրավունքով նվիրատվություն կատարել այդ բնակելի տանը փաստացի բնակվող Խաչատուր Կամոյի Սարգսյանի ընտանիքի հետևյալ երեք անդամներին․

1) Սարգսյան Խաչատուր Կամոյի (ծնված 1965 թվականի հունիսի 1-ին), ինքը,

2) Սարգսյան Էլյա Հովհաննեսի (ծնված 1972 թվականի սեպտեմբերի 9-ին), կինը,

3) Սարգսյան Կամո Խաչատուրի (ծնված 2005 թվականի սեպտեմբերի 1-ին), տղան,

4) Սարգսյան Էմմա Խաչատուրի (ծնված 1998 թվականի նոյեմբերի 12-ին), աղջիկը: 

2․ Հայաստանի Հանրապետության Շիրակի մարզի Ախուրյան համայնքի ղեկավարին՝ նվիրառուների հետ կնքել գույքի նվիրատվության պայմանագիր, ապահովել դրա նոտարական վավերացումը և անշարժ գույքի նկատմամբ քաղաքացիների իրավունքների պետական գրանցումը՝ վերջիններիս միջոցներով։