ՀՀ Շիրակի մարզի Ախուրյան համայնքի ղեկավար Զավեն Մանուկյանն աշխատանքային խորհրդակցություն է անցկացրել բնակավայրերի սեփական եկամուտների հավաքագրման ուղղությամբ աշխատանք իրականացնող աշխատակիցների հետ:
Համայնքի ղեկավարը կարգադրել է, որ իրենց վրա դրված պարտականություններն իրականացնեն պատասխանատվությամբ և բարեխղճորեն՝ անհատական աշխատանք տանելով յուրաքանչյուր բնակչի հետ:
«Բնակչին պետք է ճիշտ իրազեկել, որ իր տված ամեն մի դրամը պետությունը եռապատիկ ու քառապատիկ հետ է վերադարձնում իր իսկ բնակավայր: Բարեկեցիկ կյանք ենք ուզում, ուրեմն պետք է բարեխղճորեն կատարենք մեր պարտավորությունները: Համայնքապետարանն էլ վճարած գումարի դիմաց է իր պարտավորությունը կատարում»,-ասել է Զավեն Մանուկայնը և վստահեցրել, որ ղեկավարությունը միայն պահանջող չէ, ցանկացած հարցով կանգնած է աշխատակցի կողքին:
|