Զեկ. ՂՈՒԿԱՍ ՄՈՒՐԱԶՅԱՆ

Ղեկավարվելով «Տեղական ինքնակառավարման մասին» օրենքի 18-րդ հոդվածի 1-ին մասի 21-րդ կետի, Հայաստանի Հանրապետության հողային օրենսգրքի 66-րդ հոդվածի 1-ին մասի 4-րդ կետի,  Հայաստանի Հանրապետության կառավարության 2006 թվականի մայիսի 18-ի թիվ 912-Ն որոշմամբ հաստատված կարգի 35.1 և 39-րդ կետերի դրույթներով, ինչպես նաև հաշվի առնելով, որ ինքնակամ շինություններն իրականացրած քաղաքացին, Հայաստանի Հանրապետության Շիրակի մարզի Ախուրյան համայնքի Շիրակ գյուղի բնակիչ՝ Արամ Սամվելի Մնուկյանը 2024 թվականի նոյեմբերի 21-ի իր դիմումով ընդունել է Հայաստանի Հանրապետության օրենսդրությամբ սահմանված կարգով օրինական ճանաչված և Ախուրյան համայնքի սեփականությունը համարված 158,14 քառակուսի մետր ընդհանուր արտաքին մակերեսով բնակելի նշանակության շինություններն, ինչպես նաև դրանց պահպանման ու սպասարկման համար նախատեսված, համայնքի սեփականությունը հանդիսացող Շիրակ բնակավայրի Կենտրոնական փողոց, 10-րդ նրբանցք, 1/3 հասցեի, 0,07828 հեկտար մակերեսով բնակավայրերի նպատակային նշանակության, բնակելի կառուցապատման գործառնական նշանակության հողամասը ուղղակի վաճառքով, գնման նախապատվության իրավունքով ձեռք բերելու առաջարկությունը, Հայաստանի Հանրապետության Շիրակի մարզի Ախուրյան համայնքի ավագանին որոշում է՝

1.Ինքնակամ կառուցված, օրինական ճանաչված և Հայաստանի Հանրապետության, Շիրակի մարզի, Ախուրյան համայնքի սեփականությունը համարված 158,14 քառակուսի մետր ընդհանուր արտաքին մակերեսով բնակելի նշանակության շինություններն, ինչպես նաև դրանց պահպանման ու սպասարկման համար նախատեսված Շիրակ բնակավայրի կենտրոնական փողոց, 10-րդ նրբանցք, 1/3 հասցեի, 0,07828 հեկտար մակերեսով բնակավայրերի նպատակային նշանակության, բնակելի կառուցապատման գործառնական նշանակության հողամասը (անշարժ գույքի հասցեն՝ Հայաստանի Հանրապետություն, Շիրակի մարզ, Ախուրյան համայնք, գյուղ Շիրակ, կենտրոնական փողոց, 10-րդ նրբանցք, 1/3 մառան) ուղղակի վաճառքով, գնման նախապատվության իրավունքով, 679571 (վեց հարյուր յոթանասունինը հազար, հինգ հարյուր յոթանասունմեկ) դրամ արժեքով, որից՝ 276429 (երկու հարյուր յոթանասունվեց հազար, չորս հարյուր քսանինը) դրամը շինության արժեքն է, իսկ 403142 (չորս հարյուր երեք հազար, մեկ հարյուր քառասուներկու) դրամը՝ հողամասի, օտարել կառուցապատողին՝ քաղաքացի Արամ Սամվելի Մանուկյանին (ծնված 01/01/1978 թվական):

2.Հայաստանի Հանրապետության Շիրակի մարզի Ախուրյան համայնքի ղեկավարին՝

1)Սույն որոշման 1-ին կետում նշված վաճառքի ընդհանուր գնին հավելել տվյալ գույքային միավորի նկատմամբ, մինչև օտարումը համայնքի անվամբ իրավունքների պետական գրանցման համար իրականացված վճարները՝ վճարման անդորրագրերի հիման վրա:

2)Հայաստանի Հանրապետության օրենսդրությամբ սահմանված կարգով քաղաքացու հետ կնքել անշարժ գույքի առուվաճառքի պայմանագիր և ապահովել սույն որոշումից բխող  իրավունքների պետական գրանցումը՝ քաղաքացու միջոցներով:

3.Սույն որոշումն ուժի մեջ է մտնում քաղաքացի Արամ Սամվելի Մանուկյանին պատշաճ ծանուցելու օրվան հաջորդող օրվանից: