Ղեկավարվելով «Տեղական ինքնակառավարման մասին» օրենքի 18-րդ հոդվածի 1-ին մասին 21-րդ կետի դրույթով, հաշվի առնելով Հայաստանի Հանրապետության Շիրակի մարզի Ախուրյան համայնքի Մայիսյան բնակավայրի վարչական ղեկավարին փոխարինողի 2025թվականի մարտի 12-ի թիվ 22/25 գրությունը և Հայաստանի Հանրապետության Շիրակի մարզի Ախուրյան համայնքի ղեկավարի առաջարկությունը, հիմք ընդունելով «Կենտրոնական Շիրակ տեղական ակտիվ խումբ» տարածքային զարգացման հասարակական կազմակերպության գործադիր տնօրենի դիմումը, Հայաստանի Հանրապետության Շիրակի մարզի Ախուրյան համայնքի ավագանին որոշում է:

   1. Ընդունել Հայաստանի Հանրապետության Շիրակի մարզի Ախուրյան համայնքի ղեկավարի առաջարկությունը և Հայաստանի Հանրապետության Շիրակի մարզի Ախուրյան համայնքի Մայիսյան բնակավայրի 1-ին փողոցի 29 հասցեում գտնվող, համայնքային սեփականություն հանդիսացող հասարակական նշանակության մշակույթի տան 18 քառակուսի մետր մակերեսով 5-րդ սենյակը 3 տարի ժամկետով անհատույց օգտագործման իրավունքով տրամադրել «Կենտրոնական Շիրակ տեղական ակտիվ խումբ» տարածքային զարգացման հասարակական կազմակերպությանը՝  աշխատանքային գործունեություն իրականացնելու նպատակով:

   2. Ախուրյան համայնքի ղեկավարին՝

   «Կենտրոնական Շիրակ տեղական ակտիվ խումբ» տարածքային զարգացման հասարակական  կազմակերպության հետ սահմանված կարգով կնքել տարածքն անհատույց օգտագործման տրամադրելու պայմանագիր: