Ախուրյանի համայնքապետարանում տեղի ունեցավ Ախուրյան համայնքի 2024 թվականի բյուջեի կատարման տարեկան հաշվետվության վերաբերյալ հանրային քննարկում։ Քննարկմանը ներկա էին համայնքապետարանի աշխատակիցներ, համայնքի բնակիչներ։

   Ներկայացվեց համայնքի բյուջեի փաստացի կատարողականը, կարևորվեց եկամուտների հավաքագրման մակարդակի համեմատությունը նախորդ տարվա և պլանավորված ցուցանիշների հետ: Ներկայացվեց համայնքի բնակավայրերի եկամուտների կատարողականը։ Քննարկվեցին հավաքագրման գործընթացում առկա խնդիրները:

   Մանրամասն ներկայացվեց համայնքի բյուջեով կատարված ֆոնդային և վարչական ծախսերը՝ ըստ բնակավայրերի։ Քննարկվեցին ծախսերի համաչափությունը և նպատակահարմարությունը՝ ապահովելու համայնքի բնակիչների համար լավագույն հնարավոր ծառայությունները։ Ներկայացվեց 2024 թվականին համայնքի բնակավայրերում իրականացված համայնք-պետություն համատեղ սուբվենցիոն ծրագրերը։ Քննարկվեցին դրանց իրականացման ընթացքը, արդյունավետությունը և համայնքի զարգացման վրա ազդեցությունը։

    Ներկայացվեց համայնքային ենթակայության ՀՈԱԿ-ների թիվը, աշխատակիցների քանակը և հաճախող երեխաների թիվը։ Բացի այդ քննարկվեց համայնքի կողմից ՀՈԱԿ-ներին հատկացված գումարի բավարարությունը և հնարավոր բարեփոխումները։