Ղեկավարվելով «Տեղական ինքնակառավարման մասին» Հայաստանի Հանրապետության օրենքի 18-րդ հոդված 1-ին մասի 21-րդ կետի դրույթով, Հայաստանի Հանրապետության կառավարության 2006 թվականի մայիսի 18-ի N 912-Ն որոշմամբ հաստատված «Ինքնակամ կառույցների օրինականացման և տնօրինման կարգի» 39-րդ կետի դրույթներով և հաշվի առնելով, որ ինքնակամ շինությունն իրականացրած քաղաքացի Միքայել Անտոնյանը, իր դիմումի համաձայն, ընդունել է Հայաստանի Հանրապետության օրենսդրությամբ սահմանված կարգով օրինական ճանաչված և համայնքի սեփականությունը համարված 193.44 քառակուսի մետր արտաքին մակերեսով առևտրի սրահը և նրա պահպանման ու սպասարկման համար նախատեսված Հայաստանի Հանրապետության Շիրակի մարզի Ախուրյան համայնքի սեփականություն հանդիսացող բնակավայրերի նշանակության օբյեկտների հողերի նպատակային նշնակության, հասարակական կառուցապատման գործառնական նշանակության 08-007-0077-0012 կադաստրային ծակագրով 0.036054 հեկտար մակերեսով հողամասի (վկայական 29032021-08-0036 անշարժ գույքի հասցեն`Հայաստանի Հանրապետություն Շիրակի մարզ, Ախուրյան համայնք, գյուղ Ախուրյան, Ախուրյանի խճուղի 59 առևտրի կենտրոն) ուղղակի վաճառքով գնման նախապատվության իրավունքը՝
Հայաստանի Հանրապետության Շիրակի մարզի Ախուրյան համայնքի ավագանին որոշում է. 1.Համայնքի ղեկավարի առաջարկությամբ Հայաստանի Հանրապետության Շիրակի մարզի Ախուրյան համայնքի սեփականությունը համարվող ,օրինական ճանաչված 193.44 քառակուսի մետր արտաքին մակերեսովառևտրի սրահը և նրա պահպանման ու սպասարկման համար նախատեսված Հայաստանի Հանրապետության Շիրակի մարզի Ախուրյան համայնքի սեփականություն հանդիսացող բնակավայրերի հողերի նպատակային նշնակության բնակելի կառուցապատման գործառնական նշանակության 08-007-0077-0012 կադաստրային ծակագրով 0.036054 հեկտար մակերեսով հողամասը (վկայական 29032021-08-0036 անշարժ գույքի հասցեն` Հայաստանի Հանրապետություն Շիրակի մարզ, Ախուրյան համայնք, գյուղ Ախուրյան, Ախուրյանի խճուղի 59 առևտրի սրահ) գնման նախապատվության իրավունքով, ուղղակի վաճառքով 1687592 (մեկ միլիոն վեց հարյուր ութսունյոթ հազար հինգ հարյուր իննսուներկու) դրամ ընդհանուր արժեքով, որից՝ 1497226/մեկ միլիոն չորս հարյուր իննսունյոթ հազար երկու հարյուր քսանվեց/ դրամը՝ շինության արժեք, 190366/հարյուրիննսուն հազար երեք հարյուր վաթսունվեց / դրամը՝ հողամասի արրժեք, ուղղակի վաճառքով օտարել կառուցապատողին, քաղաքացի`Միքայել Անտոնյանին (բնակության հասցե` Հայաստանի Հանրապետություն Շիրակի մարզ, Ախուրյան համայնք, գյուղ Ախուրյան Վ. Տերյան փ. տուն 3):
2.Հայաստանի Հանրապետության Շիրակի մարզի Ախուրյան համայնքի ղեկավար՝ Արծրունի Իգիթյանին.
Հայաստանի Հանրապետության օրենսդրությամբ սահմանված կարգով քաղաքացու հետ կնքել անշարժ գույքի առուվաճառքի պայմանագիր և ապահովել սույն որոշումից բխող իրավունքների պետական գրանցումը՝ քաղաքացու միջոցներով: |