Ղեկավարվելով «Նորմատիվ իրավական ակտերի մասին» օրենքի 33-րդ հոդվածի 1-ին մասի 1-ին կետի դրույթներով և հաշվի առնելով Շիրակի մարզպետի 2025 նոյեմբերի 3-ի թիվ 01/08․2/09545-2025 գրությամբ ներկայացված առաջարկությունը՝ Հայաստանի Հանրապետության Շիրակի մարզի Ախուրյան համայնքի ավագանու 2022 թվականի ապրիլի 26-ի թիվ 76-Ա որոշման բնույթը նորմատիվ լինելու հիմքով դրա վավերապայմաններում համապատասխան փոփոխության մասին, Հայաստանի Հանրապետության Շիրակի մարզի Ախուրյան համայնքի ավագանին՝ որոշում է. 1. Հայաստանի Հանրապետության Շիրակի մարզի Ախուրյան համայնքի ավագանու 2022 թվականի ապրիլի 26-ի «Հայաստանի Հանրապետության Շիրակի մարզի Ախուրյան համայնքի Ազատան, Ախուրիկ, Առափի, Գետք, Բայանդուր, Բենիամին, Երազգավորս, Հայկավան, Ղարիբջանյան և Ոսկեհասկ բնակավայրերը ներառող միկրոռեգիոնալ մակարդակի Շիրակ-4 համակցված տարածական պլանավորման փաստաթղթերի գոտևորման նախագիծը հաստատելու մասին» թիվ 76-Ա որոշման վավերապայմաններում որոշման բնույթի «Ա» տառը փոխարինել «Ն» տառով:
2. Սույն որոշումն ուժի մեջ է մտնում պաշտոնական հրապարակմանը հաջորդող օրվանից։ |