ՆԱԽԱԳԻԾ

 Քաղաքացի Ջիվան Հովհաննեսի Ասոյանը (ծնված 1964 թվականի սեպտեմբերի 13-ին)  դիմել է Հայաստանի Հանրապետության Շիրակի մարզի Ախուրյան համայնքի ղեկավարին` իրեն  և իր կնոջը՝ Արմինե Ռաֆիկի  Ասոյանին (ծնված 1972 թվականի մայիսի 1-ին) համասեփականության իրավունքով պատկանող, Հայաստանի Հանրապետության  Շիրակի մարզի Ախուրյան համայնքի Ազատան բնակավայրի, 1-ին փողոց, 129 հասցեում գտնվող, 0,015083 հեկտար մակերեսով, 08-004-0093-0003 կադաստրային ծածկագրով բնակավայրերի նպատակային նշանակության, հասարակական կառուցապատման գործառնական նշանակության հողամասի վրա գտնվող օրինական շենքում ինքնակամ կատարված ձևափոխումներն օրինական ճանաչելու խնդրանքով:

 Համասեփականության իրավունքով քաղաքացիներին պատկանող հողամասի վրա ինքնակամ կառուցված 77,9 քառակուսի մետր արտաքին մակերեսով  ձեղնահարկը և ինքնակամ ձևափոխումներն իրականացվել են 2020 թվականին (2001 թվականի մայիսի 15-ից հետո): Ինքնակամ շինությունները կառուցված չեն քաղաքաշինական նորմերի և կանոնների էական խախտումներով, դրանց պահպանումը չի խախտում այլ անձանց իրավունքները և oրենքով պահպանվող շահերը, վտանգ չի uպառնում քաղաքացիների կյանքին ու առողջությանը և չի առաջացնում հարկադիր uերվիտուտ պահանջելու իրավունք: Ինքնակամ կառույցները հաշվառված են Հայաստանի Հանրապետության անշարժ գույքի կադաստրի կոմիտեում  թիվ 2024YTXVEU ծածկագրով:

 Ղեկավարվելով   քաղաքացիական   օրենսգրքի  188-րդ  հոդվածի   6-րդ  մասի,    «Տեղական ինքնակառավարման մասին» օրենքի 35-րդ հոդվածի 1-ին մասի 24-րդ կետի, Հայաստանի Հանրապետության կառավարության 2022 թվականի հունվարի 5-ի թիվ 14-Ն որոշման 2-րդ կետի և Հայաստանի Հանրապետության կառավարության 2006 թվականի մայիսի 18-ի թիվ 912-Ն որոշման 1-ին և 4-րդ կետերի դրույթներով, համաձայն նույն որոշմամբ հաստատված կարգի 17-րդ կետի, 18-րդ կետի բ) և դ) ենթակետերի պահանջների, ինչպես նաև հաշվի առնելով «Անշարժ գույքի հարկով հարկման նպատակով անշարժ գույքի շուկայական արժեքին մոտարկված կադաստրային գնահատման կարգը սահմանելու մասին» Հայաստանի Հանրապետության օրենքի 4-րդ հոդվածի 2-րդ մասի 6-րդ կետով սահմանված, շինության տարածագնահատման (գտնվելու վայրի) գոտիականության գործակիցների սահմանված չափը՝ որը Ազատան բնակավայրի (Շիրակի մարզ, 14-րդ գոտի) համար 0,1209 է և հիմք ընդունելով  Ջիվան Հովհաննեսի Ասոյանի դիմումը՝ որոշում եմ.

1. Հայաստանի Հանրապետության  Շիրակի մարզի Ախուրյան համայնքի,  Ազատան բնակավայրի, 1-ին փողոց, 129 հասցեի հողամասի վրա գտնվող օրինական շենքում ինքնակամ կառուցված 77,9 քառակուսի մետր արտաքին մակերեսով  ձեղնահարկը, ինչպես նաև ինքնակամ բացված թվով 3 պատուհանները և թվով 5 բացվածքները ճանաչել օրինական՝ սահմանված վճարների դիմաց:

2. Սույն որոշման 1-ին կետով օրինական ճանաչված հասարակական նշանակության 77,9 քառակուսի մետր արտաքին մակերեսով շինության յուրաքանչյուր մեկ քառակուսի մետրի օրինականացման վճարը կազմում է 20000 դրամ, իսկ ինքնակամ բացված պատուհանների և բացվածքների յուրաքանչյուրի օրինականացման վճարը 10000 դրամ որոնց նկատմամբ կիրառվում է շինության տարածագնահատման գոտիականության 0,1209 գործակցիը։

3. Շինությունների օրինականացման համար հաշվարկված ընդհանուր գումարը կազմում է  198034 (մեկ հարյուր իննսունութ հազար երեսուչորս) դրամ, որից՝ 188362 (մեկ հարյուր ութսունութ հազար երեք հարյուր վաթսուներկու) դրամը ձեղնահարկի օրինականացման արժեքն է, իսկ 9672 (ինը հազար վեց հարյուր յոթանասուներկու) դրամը՝ բացվացքների և ձևափոխված պատուհանների օրինականացման վճարն է։

4. Սույն որոշման ուժի մեջ մտնելու օրվանից հաշված, 60 օրյա ժամկետում, օրինականացման համար սույն որոշման 3-րդ կետում նշված ընդհանուր գումարը չվճարելու դեպքում` որոշումն համարվում է ուժը կորցրած:

5. Սույն որոշումն ուժի մեջ է մտնում անշարժ գույքի համասեփականատերերին  պատշաճ իրազեկելու օրվան հաջորդող օրվանից:

6. Գույքային իրավունքների պետական գրանցումն իրականացնել Հայաստանի Հանրապետության օրենսդրությամբ սահմանված կարգով: