Ղեկավարվելով «Տեղական ինքնակառավարման մասին» օրենքի 18-րդ հոդվածի 1-ին մասի 42-րդ կետի, «Շրջակա միջավայրի վրա ազդեցության գնահատման և փորձաքննության մասին» օրենքի 16-րդ հոդվածի 3-րդ մասի, Հայաստանի Հանրապետության կառավարության 2014 թվականի նոյեմբերի 19-ի թիվ 1325-Ն որոշմամբ հաստատված ընթացակարգի 28-րդ կետի դրույթներով, հիմք ընդունելով 2024 թվականի ապրիլի 23-ին Հայաստանի Հանրապետության Շիրակի մարզի Ախուրյան համայնքի Երազգավորս բնակավայրում միջնակարգ դպրոցի նոր շենքի կառուցման վերաբերյալ՝ շրջակա միջավայրի վրա ազդեցության գնահատման համար կազմակերպված հանրային լսման արձանագրությունը և հաշվի առնելով նախաձեռնողի՝ «ՎԱՆԻ» սահմանափակ պատասխանատվությամբ ընկերության տնօրենի գրությունը՝ Հայաստանի Հանրապետության Շիրակի մարզի Ախուրյան համայնքի ավագանին որոշում է.

  Նախնական համաձայնություն տրամադրել Հայաստանի Հանրապետության կառավարության կողմից իրականացվող դպրոցաշինության ծրագրի շրջանակներում՝ Հայաստանի Հանրապետության Շիրակի մարզի Ախուրյան համայնքի Երագավորս բնակավայրում միջնակարգ դպրոցի նոր շենքի կառուցմանն ուղղված «ՎԱՆԻ» սահմանափակ պատասխանատվությամբ ընկերության գործունեությանը՝ շրջակա միջավայրի վրա ազդեցության գնահատման և փորձաքննության անցկացման նպատակով: