2025 թվականի հուլիսի 11-ին Ախուրյանի համայնքապետարանում տեղի ունեցավ Ախուրյան համայնքի «Հայաստանի Հանրապետության Շիրակի մարզի Ախուրյան համայնքի 2026-2028 թվականների միջնաժամկետ ծախսերի ծրագրերը հաստատելու մասին» ավագանու որոշման նախագծի քննարկումը։Քննարկմանը ներկա էին համայնքի բնակիչներ, աշխատակազմի աշխատակիցներ։ Որոշման նախագիծը ներկայացրեց ֆինանսատնտեսագիտական, եկամուտների հաշվառման և հավաքագրման բաժնի գլխավոր մասնագետ Գաբրիել Միքայելյանը։ Ախուրյան համայնքի 2026-2028 թվականների միջնաժամկետ ծախսային ծրագիրը (այսուհետ՝ ՄԺԾԾ) հանդիսանում է Ախուրյան համայնքի զարգացման գլխավոր ֆինանասական փաստաթուղթը միջնաժամկետ կտրվածքով՝ ելակետ հանդիսանալով հաջորդող տարեկան բյուջեի նախագծման գործընթացում։ ՄԺԾԾ-ում ներկայացված են Ախուրյան համայնքի՝ հաջորդող 3 տարիների բյուջեի վարչական ու ֆոնդային մասերի եկամուտները՝ ըստ ձևավորման աղբյուրների, վարչական ու ֆոնդային մասերի հատկացումները՝ ըստ բյուջետային ծախսերի գործառնական դասակարգման բաժինների, խմբերի և դասերի, վարչական ու ֆոնդային մասերի հատկացումների կատարումը՝ ըստ բյուջետային ծախսերի տնտեսագիտական դասակարգման հոդվածների։ Ախուրյան համայնքի 2026-2028 թվականների բյուջեի եկամուտների վերաբերյալ կանխատեսումները կատարվել են համայնքի հնգամյա զարգացման ծրագրի, ինչպես նաև համայնքի սոցիալտնետեսական առանձնահատկությունների հիման վրա՝ նպատակ ունենալով նպաստելու համայնքի համաչափ զարգացմանը, ծառայելու համայնքային շահերին և չխոչընդոտելու համայնքի տնտեսական զարգացմանը։ Եկամուտների կանխատեսումները իրականացնելիս հաշվի են առնվել ոլորտը կարգավորող օրենսդրությամբ սահմանված աղբյուրներից դեպի համայնքի բյուջե մուտք գործող միջոցները, համայնքի բյուջեի միջոցների վերաբերյալ նախորդ տարիների վիճակագրությունը, փաստացի և առկա բազաների տվյալները։ Ներկաները հարցեր ուղղեցին զեկուցողին։Քննարկեցին առաջարկները։ Հանրային լսման մասնակիցները դրական գնահատեցին առաջարկվող նախագիծը։