Ախուրյան համայնքի հարգելի՛ բնակիչներ, ՀԿ ներկայացուցիչներ՛
Հայաստանի Հանրապետության Շիրակի մարզի Ախուրյան համայնքի ղեկավարի նախաձեռնությամբ համայնքում ձևավորվում է մշտական հանձնաժողով, որը կզբաղվի կյանքի դժվարին իրավիճակում հայտնված, խոցելի խավի անձանց և ընտանիքներին մատուցվող սոցիալական ծառայությունների տրամադրման, սոցիալական աջակցության ծառայությունների բարելավման գործընթացներով:
Հանձնաժողովում ընդգրկվելու են՝
1․ Հայաստանի Հանրապետության Շիրակի մարզի Ախուրյանի համայնքի ավագանու անդամներ. մինչև հինգ անդամ,
2․ Հայաստանի Հանրապետության Շիրակի մարզի Ախուրյանի համայնքապետարանի սոցիալական աշխատողներ՝ մինչև երկու անդամ,
3․ Հայաստանի Հանրապետության Շիրակի մարզի Ախուրյանի համայնքապետարանի աշխատակազմի այլ ներկայացուցիչներ՝ մինչև երեք անդամ,
4․ Հայաստանի Հանրապետության Շիրակի մարզի Ախուրյանի համայնքապետարանի համայնքային ենթակայության կազմակերպության նեկայացուցիչներ՝ մինչև երեք անդամ,
5․ Հայաստանի Հանրապետության Շիրակի մարզի Ախուրյան համայնքում գործունեություն ծավալող հասարակական կազմակերպությունների ներկայացուցիչներ՝ մինչև երեք անդամ,
6․ Հայաստանի Հանրապետության Շիրակի մարզի Ախուրյան համայնքում սոցիալական ծառայություններ մատուցող կառույցների ներկայացուցիչներից՝ մինչև երեք անդամ,
7․Հայաստանի Հանրապետության Շիրակի մարզի Ախուրյան համայնքի բնակիչ հանդիսացող շահագրգիռ քաղաքացիական հասարակության ներկայացուցիչներ՝ մինչև երեք անդամ։
Հետաքրքրված անձիք և կազմակերպությունների ներկայացուցիչները կարող են դիմել Ախուրյանի համայնքապետարան, մինչև 2024 թվականի մարտի 11-ը ներառյալ։