Ղեկավարվելով «Տեղական ինքնակառավարման մասին» օրենքի 35-րդ հոդվածի 1-ին մասի 16-րդ կետի, «Հրապարակային սակարկությունների մասին» օրենքի 4-րդ հոդվածի 1-ին, 2-րդ, 5-րդ հոդվածի 1-ին և 2-րդ , 8-րդ հոդվածի 1-ին, 2-րդ կետերի դրույթներով, հիմք ընդունելով Հայաստանի Հանրապետության Շիրակի մարզի Ախուրյան համայնքի ավագանու 2024 թվականի հոկտեմբերի 11-ի թիվ 223-Ա որոշումը, որոշում եմ՝
1.Հայաստանի Հանրապետության Շիրակի մարզի Ախուրյան համայնքի սեփականությունը հանդիսացող թվով 5 շարժական գույքերն օտարելու համար կազմակերպել աճուրդ- վաճառք։
2.Աճուրդ - վաճառքը կազմակերպել 2024 թվականի նոյեմբերի 5-ին, ժամը 11։00-ին, Ախուրյանի համայնքապետարանի շենքում (հասցեն` Շիրակի մարզ, գյուղ Ախուրյան, Գյումրիի խճուղի, 42 շենք)։
3.Աճուրդի անցկացումից առաջ օրենքով սահմանված կարգով «Առավոտ» օրաթերթում, Հայաստանի Հանրապետության հրապարակային ծանուցումների http://www.azdarar.am պաշտոնական կայքէջում, Շիրակի մարզպետարանի պաշտոնական կայքէջում, Ախուրյանի համայնքապետարանի պաշտոնական կայքէջում հրապարակել հայտարարություն՝ սակարկությունների անցկացման տեղի, օրվա, ժամի, գույքերի գտնվելու վայրի, մեկնարկային գների, նախավճարների չափի, քայլերի չափի մասին։
4.Հաստատել հրապարակային սակարկությունների հայտարարության տեքստը համաձայն թիվ 1 հավելվածի: