Ախուրյան համայնքի ղեկավար Զավեն Մանուկյանի գլխավորությամբ տեղի ունեցավ ավագանու հինգերորդ նստաշրջանի հերթական՝ հինգերորդ նիստը, որը մեկնարկեց Հայոց Հիմնի հնչյունների ներքո:

Ավագանու 27 անդամներից ներկա էին 26-ը:

Ավագանու հաստատմանը ներկայացված 30 որոշման նախագծերից հավանության արժանացան բոլորը:

Ախուրյան համայնքի ավագանու հինգերորդ նստաշրջանի հերթական նիստը կկայանա սույն թվականի հունիսի 20-ին:

Նիստի մանրամասներին հետևելու համար մուտք գործեք ուղիղ եթերի տեսագրության հղումով:

 https://www.youtube.com/watch?v=OetsKYCxyL4

Ախուրյան համայնքի ղեկավար Զավեն Մանուկյանը համայնքապետարանի ոլորտային պատասխանատուների և շինարարի հետ հետևել է Ախուրյան բնակավայրի Հ. Հովսեփյան փողոցի հիմնանորոգման՝ օրերս մեկնարկած աշխատանքներին:

Ներկայումս ակտիվ ընթացքի մեջ են հողային-հիմնային աշխատանքները: Հիմնովին կասֆալտապատվի և միակողմանի մայթեր կկառուցվի փողոցի ողջ երկայնքով՝ շուրջ 1600 գծամետր:

Կառավարություն-համայնք համաֆինանսավորմամբ իրականացվող ծրագրի արժեքը 180 միլիոն դրամ է, որից համայնքի ներդրումը 55, Կառավարությանը՝ 45 տոկոսն է:

Նշենք, որ աշխատանքներին զուգահեռ, համայնքապետարանի նախաձեռնությամբ կասֆալտապատվի նաև գերեզմանների մուտքը և հարող տարածքը:

Ախուրյան համայնքի ղեկավար Զավեն Մանուկյանն այցելել է Ախուրյանի համալիր մարզադպրոց, հետևել վերանորոգման աշխատանքներին:

Նշենք, որ համայնքապետարանի միջոցներով փոխվում են մարզադպրոցի պատուհանները, ջեռուցման խողովակները, վերանորոգվում է հատակը:

Ախուրյան համայնքի ղեկավար Զավեն Մանուկյանը Կրաշեն բնակավայր կատարած աշխատանքային այցի շրջանակում հետևել է Կրաշենի երիտասարդական զարգացման կենտրոնի հիմնման՝ սույն թվականի ապրիլին մեկնարկած աշխատանքներին:

Երիտասարդական կենտրոն հիմնադրելու նախաձեռնությունը ֆինանսավորում է Ավստրիական զարգացման գործակալությունը, իրականացնում է LEAD4Shirak ծրագիրը:

Կենտրոնի հիմնման և գույքով համալրելու ծրագրի ընդհանուր արժեքը 12 միլիոն դրամ է, որից 1 միլիոն 250 հազարը համայնքի ներդրումն է:

Աշխատանքներն ավարտին կհասնեն սույն թվականի օգոստոս ամսին: