Հայաստանի Հանրապետության Շիրակի մարզի Ախուրյան համայնքի Մայիսյան բնակավայրի վարչական ղեկավարի նստավայրում տեղի ունեցավ սուբվենցիոն ծրագրերի վերաբերյալ հանրային լսում ։ Հանրային լսմանը ներկա էին համայնքի ղեկավարը, համայնքի ղեկավարի տեղակալը, զարգացման ծրագրերի, տուրիզմի, առևտրի և սպասարկման գովազդի բաժնի պետը, համայնքապետարանի աշխատակիցներ, համայնքի բնակիչներ, ուսուցիչներ, Մայիսյանի մանկապարտեզից ներկայացուցիչներ, ծնողներ: Համայնքի ղեկավար Զավեն Մանուկյանը ներկայացրեց վարչական ղեկավարի ներկայացրած երկու առաջնային ծրագրերը՝ Մայիսյան բնակավայրի երկրորդ փողոցի ասֆալտապատում և մանկապարտեզի շենքի հիմնովին վերանորոգում: Արտահայտվեցին բնակիչներ Արշակ Մովսիսյանը, Մուշեղ Ամիրխանյանը, Գրիգոր Գասպարյանը և Հրաչյա Կարապետյանը, ովքեր կողմ էին ասֆալտապատմանը, քանի որ ճանապարհը դպրոց, մանկապարտեզ տանող և ավելի բանուկ հատվածներից մեկն է և ծանրաբեռնված: Արտահայտվեց նաև մանկապարտեզի տնօրենի ժ/պ Արմենուհի Կարախանյանը, ով որպես Մայիսյանի բնակիչ նույնպես կարևորեց ճանապարհի ասֆալտապատման հարցը, ինչպես նաև խնդրեց հնարավորության դեպքում անդրադառնալ մանկապարտեզի հիմնանորոգման հարցին: Արտահայտվեցին նաև դպրոցի և մանկապարտեզի երեխաների ծնողներ, ովքեր առաջնություն տվեցին ճանապարհի ասֆալտապատման հարցին: Հավաքվածները ողջունեցին համայնքի ղեկավարի ներկայացրած սուբվենցիոն ծրագրերը: |