2024 թվականի ապրիլի 02-ին Ախուրյան համայնքի Վահրամաբերդ բնակավայրում տեղի ունեցավ հանրային լսում՝ Ախուրյան համայքում իրականացվելիք սուբվենցիոն ծրագրերի վերաբերյալ: Բաց լսումները վարում էր Ախուրյան համայնքի ղեկավար ՝ Զավեն Մանուկյանը, ներկա էին նաև զարգացման ծրագրերի, տուրիզմի, առևտրի, սպասարկման և գովազդի բաժնի պետ՝ Գնել Մանուկյանը, Վահրամաբերդ բնակավայրի վարչական ղեկավար՝ Սարո Հովհաննիսյանը,համայնքապետարանի աշխատակիցներ, ավագանու անդամներ և բնակիչներ:
Պարոն Մանուկյանը առաջարկեց ներկաներին ներկայացնել բնակավայրի առաջնային խնդիրները։
Բնակիչները ներկայացրեցին բնակավայրի կարևոր խնդիրները՝ կոյուղի չունենալու խնդիրը ինչպես նաև աղբամանների ավելացումը, գերեզմանատուն և Լեն-Գէս թաղամաս տանող ճանապարհների հիմնանորոգման խնդիրները։
Բնակիչներից՝ Աղվան Մարտիրոսյանը և մյուս ներկա բնակիչները տարբերակներից առաջնային համարեցին գերեզմանատուն և Լեն-Գէս թաղամաս տանող ճանապարհների հիմնանորոգման խնդրին ։
Առաջարկությունը բնակիչների կողմից ընդունվեց միաձայն և Պարոն Մանուկյանը ասաց,որ ինքն էլ է կողմ և բացարձակ առարկություն չունի։
Հանրային լսման ավարտին ներկայացված խնդրներից բնակիչները առաջնահերթությունը տվեցին գերեզմանատուն և Լեն-Գէս թաղամաս տանող ճանապարհների հիմնանորոգման խնդրին։