Ղեկավարվելով «Տեղական ինքնակառավարման մասին» Հայաստանի Հանրապետության օրենքի 18-րդ հոդվածի 1-ին մասի 21-րդ կետի,  Հայաստանի Հանրապետության  «Հողային օրենսգրքի»  75-րդ հոդվածի, 1-ին մասի, 2-րդ կետի,  Հայաստանի Հանրապետության կառավարության  2001 թվականի ապրիլի 12-ի N 286 որոշմամբ հաստատված կարգի 38-րդ կետի, «բ» ենթակետի դրույթներով, ինչպես նաև հիմք ընդունելով «Արդյունավետ կառավարում և համայնքային զարգացում» հասարակական կազմակերպության նախագահի գրությունը և հաշվի առնելով Հայաստանի Հանրապետության Շիրակի մարզի Ախուրյան համայնքի ղեկավարի առաջարկությունը՝ Հայաստանի Հանրապետության Շիրակի մարզի Ախուրյան համայնքի ավագանին,

որոշում է՝

1. Հայաստանի Հանրապետության Շիրակի մարզի Ախուրյան համայնքի Կրաշեն բնակավայրի տարածքում գտնվող, համայնքի կարիքների համար չօգտագործվող և վերանորոգման կարիք ունեցող մարզադահլիճի 97,7 քառակուսի մետր արտաքին մակերեսով շենքը և դրանով զբաղեցված 08-057-0001-0017 կադաստրային ծածկագրով բնակավայրերի նպատակային նշանակության, հասարակական կառուցապատման գործառնական նշանակության համայնքապատկան 0,00977 հեկտար մակերեսով հողամասը, ինչպես նաև մանկապարտեզի 171,95 քառակուսի մետր ներքին մակերեսով շենքը, կից պարիսպներն ու  դրանով զբաղեցված 08-057-0024-0005 կադաստրային ծածկագրով բնակավայրերի նպատակային նշանակության, հասարակական կառուցապատման գործառնական նշանակության համայնքապատկան 0,12641 հեկտար մակերեսով հողամասը անհատույց, անժամկետ (մշտական) օգտագործման իրավունքով տրամադրել «Արդյունավետ կառավարում և համայնքային զարգացում» հասարակական կազմակերպությանը՝ համայնքային զարգացման կենտրոն բացելու նպատակով:
2. Հայաստանի Հանրապետության Շիրակի մարզի Ախուրյան համայնքի ղեկավարին առաջարկել՝ կնքել սույն որոշման 1-ին կետում նշված անշարժ գույքերն անհատույց (մշտական) օգտագործման տրամադրելու մասին պայմանագիր և օրենքով սահմանված կարգով ներկայացնել պետական գրանցման: