Հայաստանում կայուն, նորարարական ու շուկային միտված ագրոբիզնեսի խթանման նպատակով ԵՄ Կանաչ գյուղատնտեսության նախաձեռնությունը Հայաստանում (ԵՄԿԳՆՀ) ծրագրի շրջանակներում հայտարարվել է կանաչ և օրգանական նախագծերի աջակցության բաց մրցույթ: Ծրագիրը ֆինանսավորվում է Եվրոպական միության կողմից և համաֆինանսավորվում ու իրականացվում է Ավստրիական զարգացման գործակալության կողմից, Հայաստանում ՄԱԿ-ի Զարգացման ծրագրի հետ համատեղ: Կառավարության կողմից գործընկերն է ՀՀ էկոնոմիկայի նախարարությունը: Հայտամրցույթին կարող են մասնակցել տարբեր ագրոբիզնեսներ՝ ֆերմերներ, արտադրողներ, վերամշակողներ։
Մրցույթը բաղկացած է հետևյալ բաղադրիչներից.
1. «ԿԱՆԱՉ» գյուղատնտեսական նախագծերի աջակցություն մարզում թարմ և վերամշակված պտուղ, հատապտուղ և բանջարեղեն արտադրողների համար:
2. ՕՐԳԱՆԱԿԱՆ (սկսնակ կամ սերտիֆիկացված) ագրոբիզնեսի օժանդակություն բոլոր արժեշղթաներում:
Հայտադիմումները տեղադրված են ՀՀ Էկոնոմիկայի նախարարության հայտարարությունների բաժնում սույն հղումով՝ https://www.mineconomy.am/page/1613, մանրամասները ներկայացված են կից հայտարարություններում: Հայտերի ներկայացման վերջնաժամկետն է 2020թ. հուլիսի 31-ը: